Të paktën 29 njerëz humbën jetën nga tornadot dhe stuhitë e forta që goditën disa shtete amerikane këtë fundjavë, sipas një raporti të ri nga autoritetet. Dy fëmijë dhe një i rritur humbën jetën në Memphis, Tenesi. Në këtë shtet jugor, tornadot dhe stuhitë kanë shkaktuar vdekjen e 12 personave.
Në Indiana, pesë njerëz u vranë nga një stuhi, tre në Sullivan dhe dy persona në Owen, tha agjencia e menaxhimit të burimeve natyrore të shtetit të shtunën mbrëma.
Disa prej viktimave janë regjistruar në Arkansas, Mississippi, Alabama, në jug të Amerikës, si dhe ato të Illinois, në pjesën veriore të vendit dhe Delaware në bregun lindor.
Një person vdiq të shtunën mbrëma, ndërsa shërbimi i motit lëshoi gjithashtu paralajmërime për shtetet fqinje si Pensilvania dhe Nju Jorku për erëra të forta dhe tornado.
“Ne po bashkëpunojnë me shtetin e Indianës dhe shtetet e tjera të prekura, ndërsa ata vlerësojnë dëmin dhe janë të gatshëm t’i përgjigjen çdo kërkese shtesë për ndihmë federale”, tha presidenti amerikan Joe Biden, duke shprehur mbështetjen e tij për familjet e viktimave.
Më shumë se 230,000 shtëpi janë pa energji elektrike në disa shtete në verilindje të vendit.
/abcnews.al
