23-vjeçari në Berat humb drejtimin e mjetit, përfundon në një dyqan ushqimor

schedule21:20 - 18 Shtator, 2020

schedule 21:20 - 18 Shtator, 2020

Një makinë në Berat ka humbur kontrollin, duke qarkulluar në dalje të qytetit, dhe ka përfunduar brenda një dyqani ushqimor në anë të rrugës.

Burimet nga vendngjarja bëjnë të ditur se, drejtuesi ka devijuar nga rruga dhe në përpjekje për të frenuar ka humbur kontrollin e mjetit dhe ka përfunduar i përplasur me frigoriferin dhe vitrinën e një dyqani.

Nga verifikimet e para të policisë ka rezultuar se mjeti tip “Benz”,me targa AA 107 F.B, që drejtohej nga 23-vjeçari E.M,ka humbur kontrollin e për pasojë është përplasur me dyqanin në anë të rrugës.

Nga aksidenti nuk ka pasur të lënduar por vetëm dëme materiale në biznesin ushqimor.

Ngjarja ka ndodhur mbrëmjen e sotme në dalje të qytetit të Beratit,në Kombinat,ndërkohë që policia ka shoqëruar drejtuesin e mjetit për të sqaruar rrethanat e ngjarjes. /abcnews.al/