Nga Lediona Xheladinaj
“ABC” mëson se në qarkun e Korçës ka shifra të larta të mësuesve të infektuar me koronavirus. 50 mësues të infektuar janë në bashkinë e Korçës, 20 janë në Pogradec ndërsa 30 mësues të tjerë në bashkitë e tjera të qarkut.
Po sipas burimeve mësohet se aktualisht janë më shumë se 8 nxënës të infektuar në Pogradec të cilët pasi kanë shfaqur shenjat janë të karantinuar në banesë. Një numër i lartë nxënësish të infektuar ka kryesisht edhe në gjimnazet e Korçës.
Burime zyrtare thonë se janë 25 nxënës në Korçë me covid-19. Në Devoll janë 5 mësues të infektuar ndërsa një punonjës bashkie ndodhet në Tiranë pas gjendjes së rënduar. Deri tani në Korçë janë 765 raste aktive me covid.
Ministria e Shëndetësisë njoftoi se gjatë 24 orëve të fundit në të gjithë vendin janë konfirmuar 563 raste të reja dhe 8 viktima./ db/Abcnews.al
