Byro Politike

klosi-1.jpg
in a12:44 | 23/01/2020

Gazetari i “Abc News” Artan Hoxha publikoi videon e kryebashkiakut shqiptar duke thithur kokainë në një ambient publik.

Hoxha tha se pamjet janë kapur nga kamera sigurie dhe momenti është fiksuar disa kohë më parë.

Në studion e “ABC News” gjatë një diskutimi Fatos Klosi tha se nuk është e shkruar në formular e përdor drogën apo jo, ndërsa theksoi se  është çmenduri të thuash mos përdor drogë, “kam qejf unë o vlla”, tha Klosi.

Më tej ai tha se kryeministri Rama do ta heqë nëse filmimi del se është i vërtetë.

“Firo të tilla unë i quaj pasoja normale, nuk i ka pyetur njeri, nuk e di në formular është e shkruar e përdor drogën apo jo. Nuk ka dhënë njeri llogari atje për drogën. Çmenduri të më thuash mua mos përdor drogë, kam qejf unë o vlla, tha Klosi./abcnews.al

 

 

Voda-Noka-1280x569.jpg
nev ila23:36 | 22/01/2020

Zv/ ministrja e brendshme Rovena Voda ka qenë e ftuar mbrëmjen e sotme në “Byro Politike” me gazetaren Juli Xhokaxhi.

Voda deklaroi se është arritur zbulimi i grabitjes në banesë dhe plagosjes së çiftit në Allias, dhe se shumë shpejt do të njoftohet edhe emri i autorit.

Për grabitjen e Alliasit, është zbuluar dhe shumë shpejt do të keni emrin e autorit. Kemi vrasjen e Tropojës dhe Rrëshenit ende pa u zbuluar, shumë shpejt do të kemi rezultate sepse grupet hetimore me ekspertë shumë të mirë, po punojnë për zbardhjen e këtyre dy ngjarjeve. Dua t’ju them që numri i vrasjeve, në vitet 2018 dhe 2019 janë vite me numrin në ulje të vrasjeve”, deklaroi Voda.

Më tej Voda tha se sipas statistikave, krimi në Shqipëri ka ardhur duke u ulur, por me këtë deklaratë të Zv/ministres Voda, nuk ka qenë dakord ish-deputeti i Partisë Demokratike dhe ish-ministri i Brendshëm Flamur Noka.

Noka tha se Ministri aktual i Brendshëm fsheh vrasjet dhe statistikat.

“Gjatë gjithë kohës ministria juaj e brendshme është përpjekur ta fshehë të vërtetën. Qasja  ndaj të vërtetës dhe ndaj realitetit është krejt tjetër. Ju mendoni se duke u fshehur statistikat  do fshihni të vërtetën. Perceptimin popullor nuk mund ta fshihni”, tha Noka./abcnews.al

rovena-voda-1-1280x680.jpg
nev ila23:00 | 22/01/2020

Mbrëmjen e sotme në emisionin Byro Politike me gazetaren Juli Xhokaxhi, ka qenë e ftuar Zv/ ministrja e brendshme Rovena Voda. Voda është pyetur në lidhje me rrëmbimin e një personi përpara 1 jave në Kamëz. Ngjarje për të cilën policia, nuk ka patur një komunikim zyrtar në lidhje me të.

E pyetur nga gazetari Mentor Kikia, se çfarë po bënte policia në lidhje me këtë ngjarje të rëndë, Voda tha se është arritur të zbulohen arsyet e rrëmbimit, dhe se grupi hetimor po punon ende. Kjo çështje, tha Voda është në rrugë të mbarë për zbulimin e plotë të saj.

Pjesë nga biseda në studio:

Juli Xhokaxhi: Është rrëmbyer një njeri përpara 1 jave, dhe nuk kemi asnjë komunikim publik nga rendi, çfarë ka ndodhur?

Mentor Kikia: Kemi një njeri të rrëmbyer në mes të ditës, në mes të lagjes, i cili është dhunuar, dhe nuk kemi ende një komunikim publik të policisë së shtetit, çfarë ka ndodhur dhe çfarë kemi deri tani? Policia dhe prokuroria ka dalë në konferencë shtypi, paradë mode, për të treguar sa mirë kishin bashkëpunuar dhe se kishin arrestuar nja 30 vetë, që u liruan të nesërmen. Për ngjarje të tjera komunikimi me median është zero. Ngjarjet sado të rënda, kanë nevojë për një komunikim, sepse krijojnë panik tek publiku kur nuk ka informacion.

Rovena Voda: Kuptoj gjithë kuriozitetin e medias për të ditur çfarë po ndodh. Është një ngjarje e rëndë. Edhe në këto momente që flasim në Drejtorinë e Tiranës po punon grupi i përbashkët hetimor i Departamentit të Krimit të Organizuar dhe Krimeve të Rënda në Drejtorinë e Përgjithshme të Policisë së Shtetit, bashkë me disa prokurorë që po hetojnë çështjen, është arritur deri diku të kuptohet se cilat kanë qenë shkaqet e rrëmbimit. Është arritur të zbulohen shkaqet e rrëmbimit. Pra kemi pista hetimi, dhe kjo është shumë e rëndësishme, më tepër nuk mund të flas. Di t’ju them se po punohet fort për zbulimin e kësaj ngjarje.

Në mesditën e 17 janarit një 49 vjeçar u rrëmbye në qendër të kamzës në rrugën “London”. Bëhet fjalë për Jakë Prenga, i cili në momentin e rrëmbimit ndodhej në automjetin e tij.

Deri më sot nuk ka asnjë të dhënë zyrtare dhe jozyrtare, se cili ka qenë autori/ët dhe cfarë po bëhet me këtë ngjarje./abcnews.al

byro-politike-1-1280x605.jpg
nev ila22:18 | 22/01/2020

I gjashti i PS, Video Droga”! Kjo ka qenë tema në të cilën është zhvilluar emisioni “Byro Politike” me gazetaren Juli Xhokaxhi gjatë mbrëmjes së sotme në ABC News.

Me një panel të ftuarish të cilët kanë qenë: Flamur Noka, Spartak Koka, Mentor Kikia, Rovena Voda dhe Fatos Klosi nën moderimin e gazetares Juli Xhokaxhi, kanë dhënë opinionet e tyre në lidhje me videon e publikuar ditën e sotme, ekskluzivisht për ABC News, nga gazetari investigativ Artan Hoxha.

Në videon e publikuar ditën e sotme, shihej kryebashkiaku i Bulqizës ndërsa thithte lëndë narkotike (kokainë), në ambiente publike.

Gazetari dhe analisti Mentor Kikia tha se diskutimi mbi atë çfarë shihet në video, duhet të fillojë duke u distancuar nga rasti, dhe personazhi që shihet në video, pasi për të kjo gjë është një turp.

“Unë e kam përballë këtë video dhe më vjen turp, ju duhet të kishit mbajtur një qëndrim, dhe duhet të ishit distancuar menjëherë nga ky personazh. Nëse kjo do të kishte ndodhur në çdo qytet të Europës, do ishte bërë lajm edhe tek ne. Gjithçka duhet diskutuar duke u distancuar nga ky rast, nuk ka nevojë për ekspertizë apo gjë tjetër”, tha Kikia.

Pas opinionit që dha gazetari Kikia, zv/ministrja e brendshme Rovena Voda deklaroi se kishte një qëndrim korrekt të cilin e tha që në nisje të emisionit.

Sipas Vodës nëse kjo video është reale, atëherë organet ligjzbatuese të bëjnë detyrën e tyre.

“Unë e dhashë qëndrimin tim, dhe mendoj se ishte shumë korrekt. Nëse kjo video është reale agjencitë ligjzbatuese të bëjnë detyrën”, deklaroi Voda.

Për ish-kreun e SHISH Fatos Klosi, ajo që shihet në këtë video ndodh edhe në vendet e tjera të Europës me zyrtarë të lartë.

“Në vendet e Europës pinë drogë kryeministrat, mos na tregoni përralla”, tha Klosi.

Gjatë diskutimit në studio zv. Ministrja e Brendshme tha se ligji i dekriminalizimit po jep efektet e tij, duke marrë shkas nga rastet e publikuara për zyrtarët e inkriminuar.

Por këtij qëndrimi të zv.ministres, i ka ardhur përkundër përgjigja e ish-deputetit të PD, Flamur Noka.

Ligji i dekriminalizimit erdhi si pasojë e presionit të opozitës, sepse ne konstatuam se në parlament kishte njerëz me të shkuar kriminale, brenda parlamentit u zhvilluan akte banditeske, dhe ndaj ne e propozuam. E keni mbështetur dhe miratuar ju nga halli, sepse keni patur presion nga ndërkombëtarët por ligjin e bëri opozita. E pamë se ku ishte katandisur pushteti”, tha Noka në replikë me Vodën.

Për gazetarin Spartak Koka, nga ajo që shihet në video, ndodhemi përpara konsumimit të 2 veprave penale, atë të “prodhimit dhe shitjes së lëndëve narkotike” dhe “përshtatja e ambienteve publike për përdorimin e drogës”.

Koka tha se kjo video do të duhet ti nënshtrohet ekspertizës, pasi kryebashkiaku Alla, ka deklaruar në mënyrë kategorike se është e montuar. Më tej Koka tha se kryebashkiaku i Bulqizës, për të vërtetuar se nuk është përdorues i drogës, do të duhet ti nënshtrohet analizave mjekësore.

“Jemi përpara dy veprave penale, ku akuzën duhet ta ngrejë policia bashkë me prokurorinë, atë të “prodhim shitje e lëndëve narkotike” dhe “përshtatja e ambienteve publike për përdorimin e drogës”.  Ajo që duhet të provohet është video, pasi kryebashkiaku pretendon se video është e montuar, video të dorëzohet, dhe të provohet nëse është autentike në gjithë gjatësinë e saj, dhe nga ana tjetër, normalisht Kryebashkiaku ka një detyrim moral përballë qytetarëve të Bulqizës. Z. Alla të provojë dhe të paraqitet për të bërë testin e drogës, nëse është përdorues i lëndëve narkotike apo jo. Ashtu siç tha edhe zoti Klosi, për arsye personale mund ta përdorë lëndën narkotike, por zoti Alla ka mbajtur qëndrim kategorik mohues. Madje ditën e djeshme i vinte turp të përmendte emrin e kokainës gjatë një prononcimi që kishte dhënë në një portal, ndërkohë ditën e sotme shfaqet kjo video. Kjo video nuk tregon asgjë në thelb procedurialisht, dhe ligjërisht, por sigurisht moralisht tregon shumëçka për zotin Alla, si i zgjedhur nga qytetarët e Bulqizës. Për të dy veprat penale për të cilat fola, duhet që prokurori dhe policia të bëj hetimet e nevojshme, deri tani nuk ka ndonjë reagim për këtë”, tha Koka./abcnews.al

rovena-vodaaaa.jpg
ger ta22:13 | 22/01/2020

Zv.ministrja e Brendshme Rovena Voda ka reaguar pas lajmit se kjo ministri i ka dhënë një tender prej 5 milion lekë kompanisë së bashkëshortes së Agim Kajmakut, ndërkohë që ky i fundit ndiqet nga policia.

E ftuar në studion e “Byro Politike”, Voda tha se nuk jep ministria tendera, por është një agjensi e veçantë, që ka drejtor dhe punonjës që merren me këto procedura.

Megjitatë, agjensia në fjalë është nën mbikqyrjen e ministrisë së Brendshme, Voda shtoi se nëse kanë qenë kriteret në përputhje me ligjin është në rregull, në të kundërt sipas saj ka përgjegjësi.

“Nuk jep ministria e Brendshme tendera për lulishten e QSUT, ka një agjensi.  Tingëllon keq kur thuhet ministria e Brendshme Nëse kanë qenë të gjitha kriteret komfort ligjit shtë ok. Nëse ka pasur të dhëna se atëherë këtu ka një lloj përgjegjësie. Duhet të jemi të kujdeshëm kur themi ministria e Brendshme. Ka një agjensi të caktuar, ka një drejtor, ka disa punonjës”, tha Voda.

E pyetur më tej për ish-kryebashkiakun e Vorës, zv.ministrja tha se Kajmaku si gjithë të shpallurit në kërkim është në fokusin e ministrisë.

“Në kemi shumë persona, ai është në kërkim. Policia e Shtetit e ka në fokus dhe sigurisht ne kemi një listë të personave që e kemi në kërkim. Edhe Kajmaku si gjithë të tjerët është në fokusin e ministrsië, besoj se do kemi rezultat unë kam besim”, tha Voda./abcnews.al

voda.jpg
ger ta21:59 | 22/01/2020

Zv.ministrja e Brendshme Rovena Voda i bëri thirrje gazetarit Artan Hoxha të paraqitet në Policinë e Shtetit.

Ky apel i  zv.ministres në studion e “Byro Politike” vjen pas thirrjes së mëhershme që bëri sot gazetari, pasi publikoi videon e kryebashkiakut Lefter Alla duke konsumuar lëndë narkotike.

Hoxha i bëri thirrje policisë së Tiranës dhe Dibrës që të ketë në vigjilencë disa persona që kanë kërcënuar njerëz dhe familje që videoja në fjalë të mos publikohej.

Ndërsa Voda i kërkoi gazetarit që të japë sqarimet e tij se çfarë di për këto kërcënime në departamentin përkatës së policisë së shtetit.

“Sigurisht që kur bëhen paralajmërime të tilla askush nuk mund të qendrojë indiferent. Zoti Hoxha duhet të ketë besim te Policia e Shtetit dhe duhet të paraqitet personalisht para departamentit përkatës dhe duhet të japë sqarime të hollësishme për ato që di për kërcënimet. Se ndryshe jemi në moskallëzim krimi pastaj. Unë i bëj thirrje që të paraqitet para Policisë së Shtetit. Vetëm kështu ne mund të ndihmojmë policinë e shtetit. Ky është mesazhi që unë jap për zotin Hoxha por edhe për të gjithë kryebashkiakët”, tha Voda./abcnews.al

nokaaa.jpg
ger ta21:35 | 22/01/2020

Ish deputeti, Flamur Noka i ftuar në “Byro Politike” me Juli Xhokaxhi u shpreh se PD ishte në dijeni për rastin e kryebashkiakut të Bulqizës.

Noka theksoi se PD ishte në dijeni, por nuk kishte videon që u publikua sot në Abc News nga gazetari Artan Hoxha. Sipas demokratit video është shokuese.

“Ishim në dijeni, por nuk e kishim videon. Është një video shokuese sepse kryetari i një pusheti vendor të katandiset në atë farë derenxheje. Kjo është shëmbëlltyrë totale e kryeministrit. Të gjithë marrin shembullin e udhëheqësit”, tha ai.

E pyetur nga gazetarja nëse mund të konsiderohet kjo çështje si personale e Allës, Noka tha: “Të jesh përdorues një qytetar i thjeshtë është tjetër gje, por kur është përdoruer një person që ka pushtet është tjetër gjë. Nuk duhet ti ngatërrojmë. Kjo është fytyra e qeveritarëve të Edi Ramës. Nuk është i pari dhe as i fundit janë një seri. Por askush nuk mund ta kundërshtojë sepse përfaqësojnë një pushtet të inkriminuar”./abcnews.al

rovena-voda.jpg
ger ta21:28 | 22/01/2020

Zv.ministrja e Brendshme Rovena Voda në studion e “Byro Politike” në Abc News ka komentuar videon e publikuar nga gazetari Artan Hoxha, ku shihet kryebashkiaku i Bulqizës, Lefter Alla duke konsumuar lëndë narkotike.

Sipas zv.ministres fillimisht duhet të vërtetohet nëse video është e vërtetë dhe nëse më pas rezulton e tillë do të veprojnë agjensitë ligjzbatuese.

Më lejoni në radhë të parë që të shpreh keqardhjen për atë që tha zoti Noka. Nuk mund të hedhësh baltë mbi gjithë udhëheqjen qeverisë. Më lejoni të them, ju thatë që nga policia është arrestuar djali i tij. Do të thotë që sot kemi një polici që nuk ka frikë nga politika. Për sa i përket rastit vlen të analizohet kjo video, është i zgjedhur ka bërë një formular.

Unë besoj që agjensitë ligjzbatuese në vend do të merrem me këtë rast. Unë nuk ka dijeni konkrete për herë të parë po e shikoj këtu. Por jam mëse e bindur se agjensitë ligjzbatuese do të marrin hapat e tyre. Konsumimi i lëndëve narkotike nuk është vepër penale, por duhet të veprohet. Por sigurisht është gjë tjetër komplet, është i zgjedhur vendor. Duhet parë nëse video është e vërtetë.

Historitë me video tregojnë që kanë një frymë të keqe te ne. Sipas meje duhet parë nëse video është e vërtetë, dhe nëse po, agjencitë ligjzbatuese do të veprojnë dhe ne do të shohim hapat që ato do të ndërmarrin”, tha ajo.

Reagimi i Vodës në studion e Abc News është i pari në radhët e socialistëve, ndërsa vetë kryebashkiaku u shpreh se bëhet fjalë për një montazh./abcnews.al

byro-1280x707.jpg
in a23:29 | 15/01/2020

I ftuar në studion e “Byro Politike” me Juli Xhokaxhi, sekretari për çështjet ligjore në PD, Çlirim Gjata ka folur për marrëveshjen e reformës zgjedhore. Sipas tij opozita ka dalë e fituar nga kjo marrëveshje. Duke e vlerësuar si një marrëveshje spektakolare Gjata u shpreh se opozita rrëzoi Paralmentin, ndërsa tha i bindur se aksioni i opozitës do të vazhdojë me të gjitha format.

“Pika e Bundestagut ishte e nxehtë edhe në raport me opozitën. Donim që të vendosnim kriteret tona në ligjin e ri elektoral si opozitë e bashkuar. Kjo që ndodhi është fitore spektakolare e opozitës me këtë lloj mazhorance e cila shprehej se nuk pyeste për protestat e opozitës. Opozita rrëzoi parlamentin, do bëhet një Këshill politik jashtë këtij parlamenti. Marrëveshja do bëhet vetëm për reformën zgjedhore. Kjo është baza më e mirë për të shkuar në zgjedhjet e parakohëshme, nuk kemi hequr dorë nga kërkesat tona, ata që kanë dalë në përgjimet për vjedhjen e votave do hyjnë në burg. Nuk mund ti jepnin Ramës 3 deri në 6 muaj kohë dhe të mërreshim me Gjiknurin. Nuk do të biem më kurthin e Edi Ramës, por askush nuk e ka falur”, deklaroi Gjata.

Më tej ai theksoi se nuk ka ende një datë dhe orë fikse, por do të rifillojnë protestat.

Konomi: Kur u rikthyet në tryeze morët garanci se do të keni zgjedhje të parakohëshme?

Gjata: Ulja në atë takim është si plotësim i kushtit të Bundestagut, zgjedhjet e parakohëshme do të jetë si kërkese parlele. “Ne nuk bëmë marrëveshje që të bëjmë reformën dhe do të arrinim zgjedhje të parakohshme”, u shpreh Gjata.

Qeveri kujdestare 6 muaj para zgjedhjeve

Çlirim Gjata tha gjithashtu se PD do negociojë në tryezën e reformës zgjedhore krijimin e një qeverie kujdestare 6 muaj para zgjedhjeve.

kauza jonë ka qenë kauza e zjedhje të të lira e të ndershme të votojnë në mënyrë të lirë dhe të ndershme. Nga kjo nuk kemi lëviz. Po përdorim të gjitha format demokratike. Kemi garanci nga Bundestagu gjerman. Ajo luftë 9 mujore me protesta solli vemendje të madhe të kauzës sonë për zgjedhje të lira.

Konomi: Pasi të përfundoni këtë reformë me sukses a do të hyni në zgjedhje të parakohshme?

Gjata: Kërkesa jonë është për qeveri kujdestare. Nuk shkojmë me Ramën kryeministër në zgjedhje. E përsëris ne u ulëm në tryezë për të plotësuar kushtet e Bundestagut gjerman. Nuk e dimë ende nëse gjatë këtyre negociatave, Rama do i pranojë të gjitha kushtet tona.

/abcnews.al

garanci.jpg
in a22:12 | 15/01/2020

Në mbrëmjen e sotme i ftuar në “Byro Politike”, drejtori i dosja.al Enton Abilekaj u shpreh se nga marrëveshja e realizuar mes opozitës dhe mazhorancës ka vetëm një të fituar.

“Duhet të ketë një kuptim paraprak, kemi nje tryezë më katër veta, një Këshill Politik dhe kaq, kushtet e Bundestagut spekulohen, ishin kushte pas hapjes së negociatave, fuqia e tyre fillonte më pas. Në ato kushte ka edhe një afat. Mazhoranca nuk ka asnjë minimum angazhimi. Sipas PD vetëm opozita po angazhohet për integrimin”, deklaroi Abilekaj.

Më tej me tone ironizuese Albekaj theksoi se mazhoranca nuk ka nevojë ti plotësojë kushtet, mjafton ti plotësojë opozita dhe hapen negociatat.

“Pati një kolaps në të gjithë institucionet, problemi qëndron se nuk garantohet asgjë, në këto kushte fiton vetëm një njeri, i cili nuk plotëson asnjë kusht dhe që ka në dorë situatën”, tha Abilekaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono