Byro Politike

bb-1280x804.jpg
G. P.21:11 | 16/01/2019

Vetëdorëzimi i “Eskobarit të Ballkanit” Klement Balili për gazetarin Blendi Fevziu ka qenë i paralajmëruar dhe ka ardhur në një moment kur ai i kishte bërë mirë llogaritë.

“Vetëdorëzimi i tij ishte i paralajmëruar. Ai ka pritur se çfarë ka dosja brenda, ka bërë llogaritë dhe është vetëdorëzuar. Ai ka dashur që ta kishte masë lehtësuese dhe është vetëdorëzuar. Ai i ka bërë llogaritë e veta në këtë pikë. Nuk ka lidhje me situatën politike. Dosja e Balilit nuk është aq e rëndësishme sa statura që i është dhënë Balilit.

Ambasada Amerikane ka këmbëngulur për kapjen e tij. Nuk e di nëse ambasada ka të dhëna shtesë më shumë sesa përmban dosja që ne nuk i dimë që e ka kërkuar për një kohë të gjatë arrestimin e Balilit.

Ambasada i ka qëndruar në kokë Shullazit, ka përmenduar emrin e Tahirit dhe të Balilit. Ambasada Amerikanë u është referuar emrave të cilët sipas saj duhej të ndëshkoheshin”./abcnews.al

byro1-1280x640.jpg
G. P.23:08 | 14/01/2019

Përplasja mes Ramës dhe Metës për emërimin e Gent Cakajt në postin e ministrit të Jashtëm duket se ka kaluar në një tjetër nivel. Kryeministri ka reaguar duke propozuar emrin e tij për këtë post, pasi Presidenti Meta nuk dekretoi Cakajn në detyrën e ministrit të Jashtëm.

Në studion e emisionit “Byro”, kryeredaktori i “Klan Plus” Mentor Kikia, ish-ministri i Financave Arben Malaj, diplomati Agim Nesho dhe juristi Çlirim Gjata, kanë dhënë mendimin e tyre për situatën e krijuar.

Për, kryeredaktorin e  “Klan Plus” Mentor Kikia, Rama tani po qeveris pa kabinet. Sipas tij, ai po i trajton ministrat si shërbëtorë.

Mentor Kikia: Tani Rama nuk po qeveris me kabinet. Kjo është e provuar me fakte ulëritëse. Rama ka marrë disa drejtues institucionesh për të shpërndarë urdhrat e marrë prej tij. Vjen një moment që edhe ministrin e Jashtëm do ta trajtojë si një shërbëtor.

Ndërsa juristi Çlirim Gjata u shpreh se Rama nuk do personalite në qeverisje, por do persona që t’i trajtojë si plastelinë.

Juristi  Gjata: Rama me mënyrën e tij të qeverisjes nuk do personalitete. Ai nuk do persona që shkelin vijën e kuqe. Rama i përdor ministrat si plastelinë.

Ndërsa ish-ministri i Financave Arben Malaj është shprehu se Rama po e çon Partinë Socialiste drejt shkatërrimit.

Arben Malaj: Ajo që nuk i lejohet asnjë lideri është shkatërrimi i partisë. Sepse u modernizua një parti e vjetër, ajo  duhej të ruhej si sytë e ballit. Cilësia e tij vjen dhe  t‘kurrët dhe preformaca e partisë po bie.  Kërkohet një zgjidhje dhe lideri politik asnjëherë nuk duhet të flasë në emer të Shqipërisë për çështje që thotë unë kështu e mendoj. Pastaj krijohen armiqësi strategjike.

Ndërsa më tej gjatë fjalës së tij Mentor Kikia është shprehur se Rama ngriti një skuadër të re për të hedhur poshtë akuzat.

Mentor Kikia: Skuadra e re e thirru shpejt e shpejt në front ishte më shumë një përpjektje për të sfomuar akuzat. Sepse njerëzit e tij ishin të gjithë të lidhur me aferra. Ai zgjodhi ca njerëz që nuk ishin të përfoluar as për mirë dhe as për keq.

Për diplomatin Nesho, Rama do të vendosë në detyrën e ministrit të Jashtëm një njeri të porositur nga dikush.

Agim Nesho: Kemi një kapje të shtetit. Në rastin shqiptar po shikojmë një devijim nga demokracia. Këtu duan që të përfitohet për zgjatjen në pushtet të individëve apo të disa grupeve. Për këtë, në mënyrë të përgjegjeshme Presidenti ka reaguar. Ai ka reaguar sepse duhet thënë një herë ndal. Ai ka reaguar duke mos dekretuar një ministër dhe e ka argumentuar. Kjo sitatë duhet të marrë fund nëse duhet të përfundojmë në rrugën diplomatike. Nëse nuk marrim kthesë nuk do futemi në BE. Ne do strukemi në një qoshe. Drejtuesit më pas do justifikohen dhe nuk do ta pranojnë humbjen. Rama do të propagandojë idetë e tij që i ka plane të përbashkëta me Thaçin dhe Vuçiçin. Ai është i fiksuar tek një njeri i porositur nga dikush./abcnews.al

BYRO-POLITIKE-DT-nesho-1280x720.jpg
G. P.20:58 | 14/01/2019

Diplomati Agim Nesho duket se është shumë i shqetësuar për të ardhmen e vendit. Sipas tij shteti është i kapur dhe për pasojë Shqipëria rrezikon të mos pranohet në BE.

Këto deklarata diplomati i bëri një studion e emisiont “Byro Politike”, ndërsa po diskutohej për zhvillimet më të fundit politike në vend. Presidenti Meta nuk ka dekretuar Gent Cakajn të propozuar nga Rama për postin e ministrit të Jashtëm. Ndërsa sot Rama ka propozuar emrin e tij për këtë post. Më tej diplomati Nesho është shprehur se Rama do të vendosë në detyrën e ministrit të Jashtëm një njeri të porositur nga dikush.

Agim Nesho: Kemi një kapje të shtetit. Në rastin shqiptar po shikojmë një devijim nga demokracia. Këtu duan që të përfitohet për zgjatjen në pushtet të individëve apo të disa grupeve. Për këtë në mënyrë të përgjegjeshme  Presidenti ka reaguar. Ai ka reaguar sepse duhet thënë një herë ndal. Ai ka reaguar duke mos dekretuar një ministër dhe e ka argumentuar.

Kjo sitatë duhet të marrë fund nëse duhet të përfundojmë në rrugën diplomatike. Nëse nuk marrim kthesë nuk do futemi në BE. Ne do strukemi në një qoshe. Drejtuesit më pas do justifikohen dhe nuk do ta pranojnë humbjen. Rama do të propagandojë idetë e tij që i ka plane të përbashkëta me Thaçin dhe Vuçiçin. Ai është i fiksuar tek një njeri i porositur nga dikush.

Mentor Kikia: Unë mendoj që kjo teza e Kosovës është e fryrë. Rama nëse nuk do zgjidhte Cakaj, ai do zgjidhte një person që do t’i shkonte përshtat natyrës së tij. Nëse s’do zgjidhte Cakaj, por themi Taulant Ballën, ndjes që po i përmend emrin, ai do t’i shkonte përshtat natyrës së Ramës. Ideja e një njeriu që do të ndryshonte kufinjtë e Kosovës më duket e hiperbolizuar./abcnews.al

gjata-1280x591.jpg
G. P.20:26 | 14/01/2019

Kryeministri Rama ka propozuar emrin e tij për postin e Ministrit të Jashtëm. Kjo lëvizje vjen në një pikë kur Meta ka refuzuar dekretimin e Gant Cakajt në këtë detyrë. Nga ana tjetër, Presidenti ka refuzuar shkarkimin e Bushatit nga posti i ministrit të Jashtëm.

Në emisionin “Byro Politike”, juristi Çlirim Gjata ka komentuar situatrën e krijuar. Sipas tij, Kryeministit nuk po e trajton çështjen në baza ligjore.

Juristi Çlirim Gjata: Trajtimi i problemit nga pikëpamje ligjore është lënë në plan të dytë. Çështja është një luftë politike për Kryeministrin. Vetëpropozimi i Kryeministri Rama për postin e Ministrit të Jashtëm nuk është kushtetuese.  Presidneti tha që përderisa nuk e dekretova atë, atëherë nuk mund ta shkarkoj Bushatin.  Kjo që të ofrohet Kryeministri për këtë post, jo vetëm që është e paparashikuar por Rama duhet t’i dërgojë një emër sepse Bushati ende është në post.

Ndërsa Mentor Kikia, kryeredaktro i “Klan plus” u shpreh se Rama propozoi emrin e tij, pasi do të dalë triumfues përpara Metës.

Mentor Kikia: Unë shikoj një përpjekje të Kryeministri për të dalë triumfues nga kjo histori. Ramës i pëlqen shumë që të fitojë. Nëse do të dërgonte një emër tjetër do të përkthehej si një tërheqje e Ramës para Metës dhe ndaj propozoi emrin e tij. Ai thotë se jam unë këtu deri në krijimin e Gjykatës Kushtetuese. /abcnews.al

byro-politike.jpg
G. P.23:16 | 09/01/2019

Rasti i fundit i denoncuar në emisionin “Stop” ku një gjykatës kërkonte para dhe favore seksuale ndaj një nëne që luftonte për kujdestarinë e fëmijës tronditi opinionin publik. Për të diskutuar mbi këtë çështje në emisionin “Byro Politike” nga Juli Xhokaxhi ishin të ftuar Oriola Pampuri, deputete; Stela Dhima, psikologe; Gëzim Tushi, sociolog dhe Armand Bajrami, gazetar.

Për të gjithë të ftuarit rasti i gjyqtarit Roland Hysi dhe i psikologes Elona Meçani që luante rolin e sekseres është i papranueshëm dhe i pafytyrë. Deputjetja e PD-së, por njëkohësisht edhe psikologe, Oriola Pampuri tha se ky është një rast i pacipë për kolegët e saj, njëkohësisht edhe për gjykatësin.

Oriola Pampuri: “Është një rast i pacipë për kolegët tonë. E njëjta gjë vlen edhe për gjykatësin. “Stop” nxorri në pah një problamtikë të tillë që nuk është e vetmja. Këto raste janë ato që na pengojnë të ndërmarrim ato reformat. Gjëja e parë që duhet të bëhet është heqja e licensës dhe bashkë me të hapat që u ndërmorën. Këta meritojnë atë që bëri zonja mbrëmë”.

Nga ana tjetër, sociologu Gëzim Tushi tha se, “Reagimet dhe denoncimet janë shumë pak me të vërtetat që ndodhin dhe në këtë rast kemi të bëjmë me viktima që janë fryt i ngacmimit seksual. E keqja në shoqërinë shqiptare po ndeshet me disa fenomene që janë të reja dhe po agravojnë dhe po tejkalojnë edhe atë kodin mes nderit dhe turpit në vendin tonë dhe kjo është e pafytyrshme. Meshkujt janë përgjithësisht që kërkojnë favore seksuale. Meshkujt shqiptarë, një pjesë e tyre, mesa duket kanë mentalitetin feudal që mendojnë se vartësen e tyre ta konsiderojnë si objekt seksual dhe kjo është e turpshme për një mashkull shqiptar. Po të investigohet akoma më shumë besoj se këtu mund të kenë gisht edhe të tjerë persona”.

Oriola Pampuri:Ajo që më bëri të ndihem mirë ishte mënyra se si zonja iu përgjig. Besoj se zonja të tilla ka plot. Pushteti i këtyre personave në të gjitha hallkat e administratës e bën të fortë kundrejt nevojës që ka përballë. Ka edhe nga ato gra që edhe mund të vetëofrohen, pikërisht edhe ky grup i vogël ndot atë grupin e madh të zonjave me dinjitet”.

Gëzim Tushi:Ka raste kur në mënyrë paradoksale shikon njerëz edhe femra që bëjnë karrierë nëpërmjet këtij mjeti. Është e vërtetë që pjesa më e mahde e femrave janë dinjoitoze, por ka edhe nga ato që trupiune tyre e kthejnë në instrument për të përfituar favore. Neë kemi raste si ky se në se thua jo nuk do vazhdosh edhe punën. Mentalitei i meshkujve shqiptarë është që kolegen, vartëse e tyre e shohin si objekt seksi”.

Stela Dhima:Kur nuk arrin të kënaqesh me ato që ke në jetë, sigurisht do arrish të shfrytëzosh mundësi të tilla”.

Gazetari Armand Bajrami theksoi se procesi i Vettingut i ka futur në presion gjyqtarët. Madje sipas tij një pjesë e tyre e kanë kuptuar që nuk do të kalojnë dhe punojnë si në ditën e fundit, për të përfituar sa më shumë të munden.

Armand Bajrami: “Procesi i Vettingut me gjithë anët pozitive ka sjellë një presion shumë të mëdha në gjyqësor. Shumë gjyqtarë janë të frikësuar, të ndrojtur për situata që mund të ndodhin në skena të përditshme. Disa të tjerë punojnë si për ditën e fundit dhe të vjelin ç’të munden. Unë nuk e di saktësisht momentin kur është bërë videoja, gjithsesi pa u shkëputur nga tema, Stop i ka bërë një nder shumë të madh publikut. Janë edhe tre raste të tjera, ku dy gjyqtarë kanë shkuar në organet e hetimit ndërsa një drejtues i lartë, Shukri Xhelili u shpall i fajshëm për korrupsion nga Gjykata e Shkallës së Parë për Krimet e Rënda, por akuza u ndryshua në shkallët e tjera të drejtësisë. Dënimet nuk kanë qenë të rënda dhe kanë përfituar kanë përfituar shërbim prove e të tjera”.

Në fund, të gjithë të ftuarit treguan edhe një zgjidhje se si mund të ndalohet ky fenomen.

Gëzim Tushi: “Unë mendoj që për zgjidhjen e këtyre problemeve sociale ka dy anë. Një anë është edukimi i njerëzve, forcimi i personalitetit të femrës, emancipimi i femrës, që ta mendojë që është sovrane e trupit. Duhet të edukojmë vajzat në familje, t’i mësojmë në shkollë, shoqëria civile dhe media. E dyta ka të bëjë me ndëshkimin”.

Armand Bajrami:Nuk mund të jap një diagnozë, por inkurajoj vajzat që të denoncojnë rastet kur për një vend pune kërkohen favore të tilla”.

Stela Dhima: “Jam dakord me pjesën e edukimit, është kyç në këtë proces. Ne nga njëra anë edhe e ofrojmë edukimi, që arrin të plotësojë disa hapësira, por është i gjithë morali, shoqëria, i gjithë populli që ka një kulturë ndryshe nga edukimi. Unë shpresoj që të mos ketë aq shumë psikologë të tillë sepse shpresoj që psikologët të kenë parime. Unë shpresoj që të jenë duke bërë punë me etikë, por kur qytetarët ndjejnë se nuk marrin shërbim të drejtohen te Urdhri i Psikologut”.

Oriola Pampuri:Përmirësimi i marrëdhënieve familjare që është venitur kohët e fundit, forcimi i ligjit dhe denoncimi. Të treja janë hallka të rëndësishme që rrisin një shoqëri me dinjitet”./abcnews.al

BYRO-DT-7-JANAR-00001.mpg_snapshot_05.27-1280x720.jpg
ent ela10:46 | 08/01/2019

Byro Politike çeli sezonin e ri televiziv këtë të hënë me mosdekretetimin e ministrit të jashtëm Ditmir Bushati, ndryshimet në kabinetin qeveritar dhe rikthimin e protestave studentore. Të ftuar në studion e  Juli Xhokaxhi ishin Mimoza Koçiu, Preç Zogaj, Alfred Peza dhe Arian Curri.

Zogaj i konsideron drastike ndryshimet në qeveri dhe befasues propozimin e ministrave të rinj. Sipas tij Rama e ka bërë për të tërhequr vëmnedjen, duke u gjendur përballë një lëvizje të paparashikueshme që ishte ajo studentore.

Sipas Pezës është në të drejtën e kryetarit për të bërë ndryshime sa herë e shikon të nevojshme.

Gazetarja Koçiu tha se Kryeministri u shfaq si një lider i dobët përballë studentëve dhe vetmja gjë që bëri ishte të tregonte forcën me ndryshimet në qeveri.

Në këndvështrimin e Arian Currit, Meta ka gjithë të drejtën e tij si President për mosdekretimin e ministrit të ri të jashtëm të propozuar nga Rama, por edhe Rama duhet të ketë një arsye që e ka vënë aty. /abcnews.al

byro-politike-7-anar.jpg
G. P.10:08 | 08/01/2019

Në këtë puntatë të parë për vitin 2019, “Byro Politike” u ndal në dy çështje kryesore. Fillimisht u diskutua për vendimin e kryeministrit Rama, i cili ndryshoi kabinetin qeverisës. Më pas mes të ftuarve në studio u diskutua për mosdekretimin e shkarkimit të Ministrit të Punëve të Jashtme nga Presidenti Meta si dhe mosdekretimi i pesë emrave të rinj të propozuar nga Edi Rama. Ndërkohë diskutime pati edhe për rikthimin e protestave të studentëve.

Të ftuar ishin: Mimoza Koçiu, gazetare; Alfred Peza, analist; Preç Zogaj, analist dhe Arian Curi, politolog./abcnews.al

byro-politike-19-Dhjetor.jpg
G. P.23:55 | 19/12/2018

Kjo puntatë e emisionit “Byro Politike” u fokusua sërish te protestat e studentëve. Më së shumti u përqendrua në Vlorë, atu ku kryeministri Rama zhvilloi takim me disa studentë, ndërkohë që një pjesë tjetër e braktisi mbledhjen që u bë në ambientet e universitetit. Në fjalën e tyre studentët e panishëm në studio treguan se ka presione dhe kërcënime ndaj tyre. Ata u shprehën se protesta do të vijojë derisa të plotësohen kërkesat e tyre.

Të ftuar ishin: Mentor Kikia, kryeredaktor i Klan Plus; Fatos Hakorja, kryeredaktor i TV Klan; Andi Varrosi, student; Igli Rançi, student; Patris Neziri, studente dhe Klajdi Bello, student. Ndërkohë në një lidhje direkte nga Vlora ishte gazetari i ABC News, Elton Nika./abcnews.al

studentet-byro-1.jpg
ent ela21:09 | 19/12/2018

Studentët protestues të ftuar në studion e Byro Politike, përballë gazetarëve Mentor Kikia dhe Fatos Hakorja kanë hedhur dritë mbi vijimësinë e protestës. Ata thanë se nesër kanë bërë thirrje publike që të jenë para parlamentit dhe shumë shpejt do të marrin masa radikale. Studenti Klajdi Bello theksoi se tashmë ka nevojë për një kokë dhe për këtë ka hedhur idenë e shtabit të studentëve.

“Ka nevojë për një kokë, unë e kam quajtur shtabi i stduentëve, me koordinim, vetëfinancim dhe asnjë dialog me kryeministrin. Këtu po lind ndryshimi. Do mbushet bulevardi dëshmorët e kombit, kemi plane”.

Ishte kjo përgjigjia e studentëve të pyetur nëse protesta e tyre tashmë është shndërruar në një lëvizje pa qëllim dhe me reduktim të numrave.

Sipas Kikisë, pavarësisht kësaj, protesta ka një sërë arritjesh, pasi ngjalli shpresën te shqiptarët dhe  vrau frikën.

“Protesta juaj është bazuar mbi kërkesa ekonomike, por jashtë kësaj rrezeje ka një pritshmëri të jashtëzakonshme në publik, ju jeni të rrëmbyer nga adrenalina për ta çuar përpara, po jashtë kësaj shqiptarët kanë pritshmëri të mëdha se kjo protestë ngjalli shpresë. E ka bërë protestën të na duket normale, është arritje numër 1, vratë frikën, nuk do guxonte askush dhe ajo që ka ndodhur sot është që studentët dhe shqiptarët kanë marrë kurajo, por ka një dileme të madhe ku po shkohet? Protesta është reduktuar, ka humbur numër dhe u shndërrua në lëvizjë pa qëllim dhe të nervozuarish”. /abcnews.al

abyro-politike.jpg
G. P.23:44 | 17/12/2018

Ky Dhjetor është ai i protestave të studentëve. Prej gati dy javësh ata ndodhen sërish në shesh duke protestuar për kërkesat e tyre. Në këtë puntatë të emisionit “Byro Politike” nga Juli Xhokaxhi u diskutua mbi protestën e kësaj të hëne në kryeministri ku në disa çaste pati disa momente tensioni. Gjithashtu studentët që ishin pjesë e emisionit treguan se si do vijojë protesta në ditët në vijim. Të ftuar ishin: Enton Abilekaj, gazetar; Gjergj Bojaxhi, ish politikanët dhe studentenët Laurend Bardhaj, Xheniana Mara, Mirjan Aliaj dhe Nikolina Qirjazi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono