Byro Politike

BYRO-DT-7-NENTOR.mpg_snapshot_14.13-1280x720.jpg
ent ela22:49 | 07/11/2018

Paketa fiskale 2019 është diskutuar mbrëmjen e sotme në studion e Byro Politike në ABC News.  Deputeti i PS Ervin Bushati, Presidenti i ‘Konfindustria” Gjergj Buxhuku, ekspertët e ekonomisë Adrian Civici dhe Dorian Teliti kanë ndarë qëndrimet e tyre në lidhje me buxhetin e viti 2019.

Sipas Civicit buxheti është një dokument dokument politik që jep sinjale për ulje borxhi dhe realizim të të ardhurave, ndërsa ka doza optimizimi.

“Buxheti është dokument politik se në një buxhet mblidhen politika konjukturale një vjeçare. Buxheti jep sinjale për kontroll dhe ulje borxhi, realizim i të ardhurave ka doza optimizimi. I është përgjigjur disa kërkesave të shoqatave të biznesit sidomos biznesit të madh, përsa i përket uljes së tarifave dhe taksave. Ka elementë për të ndihmuar sektorin  e fasonëve edhe në masa modeste vihen re rritje të pagave. Duhet parë si dokument politik”.

Kreu i Konfidustrisë Gjergj Buxhuku u ndal te kritikat dhe vërejtjet. Sipas tij këtu mungojnë studimet e fizibilitetit, ndërsa shtoi s eopozita duhe ttë shkojë në parlament dhe të flasë për buxhetin.

“Së pari kemi një lloj autokrotike sidomos për paketën fiskale, ëhstë rritur fasha e tatimit mbi të ardhurat, u ngushtua brezi i atyre që pagaunin 20%, por pa ndikim të madh në praktikë, dhe vë në pikëpyejtje nëse është vepruar drejt me taksën progresive. Është autokritikë. Kërkesa jonë ka qenë e hershme për politikën e taksës së sheshtë. E dyta dhe që është pika më kritike është burimi i rritjes së PBB për vitin e ardhshëm 4.3% të duket si rritje mesatare. Ka edhe lëvizje që nuk janë të mbështetura”.

Nga ana e tij deputeti socialist Ervin Bushati tha se është ruajtur disiplina fiskale dhe është marrë notë e admirueshme. Sipas tij sfida është ruajtja e balancës mes interesit publik dhe biznesit.

“Ne jemi para një sfide dhe mendojmë që mes interesit publik dhe biznesit dueht të gjejmë balancën në favor të interesit publik. Kemi ruajtur disiplinën fiskale dhe kemi marrë notë të admirueshme dhe do të ruajmë ato parametra makro ekonomikë”.

Por eksperti Teliti thekson se rritja ekonomike nuk ëhstë sipas pritshmërive dhe kjo rritje 4.3% ëhstë në sajë të dy projekteve madhore TAP dhe hidrocentrai i Devollit e Skavicës.

“Debatet për buxhetin janë debate fasadë. Nga është ushqyer kjo rritje ekonomike?. Këtë ushqim e kemi nga TAP dhe hidrocentrai i Devollit e Skavicës. Një rritje ekonomike që është jashtë çdo lloj pritshmërie. Të merren politikat e duhura”.

Por eksperti Civici theksoi se çdo oppozitë shqiptare  e përdor buxhetin për të bërë politikë dhe gjithçka përfundon pa prekur thelbin.

“A ka shqetësim më të madh se buxheti për arsimin dhe bashkë me shëndetësinë zor se bëhen 5  % të dyja bashkë, kur duhet të jënë 10%. Politikat e arsimit janë politika pagash dhe pak mbështetje, ka nevojë për investime më të mëdha. Nuk mund të zgjidhë një buxhet të gjitha politkat e zhvillimit, por  sa i përgjigjet këtyre sfidave që janë pjesë e programit të qeverisë”.

Buxhuku i kërkoi qeverisë shqiptare që të jetë më e përgjegjshme dhe të mos bjerë pre  e interesave të ngushta por atij publik.

“Kërkojmë nga qeveria që të jetë e përgjegjshme se ku shpenzohen paratë e shqiptarëve dhe të jetë e kujdeshme për faktin që mos bjerë pre e interesave të ngushta, por ato që janë në interesin publik.  Unë shpresoj që te kjo paketë do të merren parasysh kërkesat dhe vëretjtjet tona”. /abcnews.al

byroja.png
G. P.23:43 | 05/11/2018

Lojë shahu midis Ramës dhe Metës. Ishte kjo tema në emisionin Byro Politike këtë të hënë. Të ftuar në studio: Shefqet Muçi, jurist; Mimoza Koçiu, gazetare; Jordan Daci, jurist dhe Fatos Hakorja, gazetar. Ish-ministri i Drejtësisë, Shefqet Muçi tha se situata nuk është e mirë dhe palët duhet të punojnë me njëra-tjetrën.

“Vetë përplasja midis dy titullarëve kryesorë, Presidentit të Republikës dhe Kryeministrit nuk është një gjë e mirë jo vetëm për ata, por edhe për popullin. Nuk jemi në kohën kur t’i bëjmë karshillëk tjetrit, por palët duhet të ulen dhe ndoshta të merren vesh edhe paraprakisht për ato gjëra që duhet të bëjnë se në fund të fundit Kushtetuta thotë që ministri emërohet nga Presidenti me emërimin e Kryeministrit”, tha ai.

Gazetari Fatos Hakorja tha se ka një përplasje mes Kryeministrit dhe Presidentit. Ai tha gjithashtu se Meta duhet të japë argumente për refuzimin e kandidaturës së Sandër Lleshit.

“Të dyja institucionet janë në një përplasje frontale me njëri tjetri, por ndryshe nga herët e tjera sepse ky nuk është dekreti i parë që presidenti i kthen Kryeministrit mbrapsht. Ne kemi pasur ligjin e lojërave të fatit, po kështu edhe ligjin për tatimin ku Presidenti ka bërë një argument shterues të arsyeve se përse i ka kthyer dekretet. Në refuzimin e zotit Lleshi, ndoshta Presidenti nuk është i detyruar që t’i japë shpjegime opinionit publik, por opinioni publik duhet të dijë se për çfarë arsye Presidenti i Republikës refuzon një figurë të propozuar nga Kryeministri i vendit, i cili është zgjedhur për të krijuar kabinetin e tij qeveritar. Nëse vërtete duhet të ketë një sekret shtetëror në dhënien e mospëlqimit për ministrin atëherë Presidenti duhet ta shënojë këtë në rezervë, pra duhet ta lejë të kuptohet që ka një gjë të tillë. Në këtë rast ne nuk e kemi këtë argument, për më tepër kemi një refuzim, undë do thoja për arsye politike sepse besoj që Presidenti nuk e ka konsideruar një figurë politike”, tha Hakorja.

Nga ana tjetër përsa i përket emërimit si zëvendësministër i Brendshëm i Sandër Lleshit, Jordan Daci tha se “nuk mund të thuash që nuk më pëlqen se çfarë bëri Presidenti dhe për rrjedhojë nuk emëroj tjetër  e do vazhdoj me kandidaturën time se nuk është kjo qasja kushtetuese. Do të duhet të marrësh përgjegjësinë kushtetuese dhe do duhet të propozosh emrin tjetër”.

Ndërkohë Mimoza Koçiu tha se në këtë situatë janë gjetur shumë presidentë më parë. Sipas saj, kleçka që ka çuar në refuzimin e Lleshit është neni 103 i Kushtetutës.

“Kjo situatë është një situatë në të cilën janë gjetur shumë presidentë. Është neni 103 i Kushtetutës që flet për kriteret e përzgjedhjes së ministrit dhe përveç se duhet të ketë cilësitë e një deputeti që janë ato klasiket, dhe nuk duhet të ketë konflikt interesi, nuk duhet të jetë në një post tjetër ose drejtues i një organizate jofitimprurëse. Unë mendoj që aty është kleçka ku ka mbetur Meta dhe këtë e kam dëgjuar në mënyrë informale jo se është thënë zyrtare”, tha Koçiu./abcnews.al

BYRO-BUJAR-NISHANI.mpg_snapshot_05.18-1280x720.jpg
G. P.21:22 | 31/10/2018

I ftuari i sotëm në emisionin “Byro Politike” të gazetares Juli Xhokaxhi ishte ish-presidenti Bujar Nishani. Diskutim dhe analizë për situatën politike në vend dhe ngajrjet kryesore në Shqipëri dhe Kosovë.


Në momentet e para kur nisën akuzat dhe përgjimet e video përgjimet, a mund të flasim për situatë politike apo klimë politike?

Nishani: “Për fat të keq është një model i një viroze që është përhapur me shpejtësi. Futja e modelit të bashkëjetesës së politikës dhe në rastin në fjalë të politikës qeveritare me krimin e organizuar, ku pastaj të gjitha elementet e tjerë si korrupsioni, janë pjesë përbërëse të këtij skenari.”

I pyetur nëse ky skenar është duke u fokusuar më shumë tek emrat e përveçëm se sa tek fenomenet, Nishani u përgjigj:

“Mendoj se duke e konkretizuar me emër fenomeni është përçues. Denoncuesi në këtë rast është opozita. Në këtë realitet kaq të hidhur të sistemit politik opozita ka vetëm fjalën dhe denoncimin. Bërja e denoncimeve mbi bazën e emrave japin një kolonë më të fortë tek publiku. Opozita duhet të qëndrojë tek parimet. Duke artikuluar denoncimin pavarësish se në një moment të caktuar mund të duket se nuk ka një përfitim të madh elektoral, mendoj unë që e ka akumuluar në vetëvete njërin aspekt, denoncimin dhe demontimin e fenomeneve. Demontimi i një mekanizmi të kalcifikuar, por goxha të organizuar nuk është e lehtë dhe nuk duhet pritur që të demontohet brenda një afati të caktuar. Unë besoj se rrugëtimi i opozitës ka arritur në krijimin e një bindje tek qytetarët që qeverisja aktuale ka përfituar nga krimi dhe duhet të ketë një ndryshim të këtij modeli.”

Gjithashtu Nishani rrëfeu dhe mendimin e tij në lidhje më qeverisjen e kryetarit të PD Lulzim Basha.

“Unë jam kundër të qenit opozitë me opozitën. Opozita është një faktor sa i pazëvendësueshëm aq edhe i nevojshëm në betejën me antikonformizmin. Opozita ka nevojë për më shumë dinamikë dhe nerv. Ka disa dosje konkrete që nuk janë produkte të opozitës që kanë ardhur përtej detit. P.sh. grupi Habilaj, Bajraj dhe Abdylajt. Opozita nuk mund të rrijë pa e jetësuar fenomenin me emrin në mënyrë që qytetarët të dijnë dëmin e madh që kanë bërë.”

A po gabon opozita që që nuk është shfaqur në parlament?

“Parimisht po, por jeta parlamentare 2 vitet e fundit ka degraduar totalisht. Nuk ka qenë kurrë kryeministri shpërndarës i një fjalori të atillë që kemi dëgjuar.”

Nishani dha mendimin e tij edhe për koalicionin PD-LSI.

“Nuk kemi rastin e një koalicioni klasik mbi bazën e një marrëveshje, kemi unifikim të zërit politik opozitar. Mendoj që ky është një hap i mirë dhe pozitiv drejt frontit të së keqes. Ne rrezikojmë, shpresoj të jem gabim, por Shqipëria po shkon në nivelet e një regjimi, i cili në kushtet e Shqipërisë dhe temperamentin ballkanik mund të kthehet në një përplasje civile.”

Si shihet paketa antishpifje e Ramës?

“Shejtan budalla. Sepse së pari është një logo e re e hedhur për tu fokusuar tek një gur që hidhet në lumë, sepse nuk ka asnjë mundësi për tu realizuar ligjërisht.”

A ka një përgjigje ndaj akuzave nga trajneri i kombëtares Panucci?

“Unë jam akuzuar për fyerje jo shpifje. Zotëria në fjalë është i fundit që mund të flasë për edukatën spese ka përcjellë në familjet shqiptare një fjalor të papërshtatshëm. Procesi është në rrugë e sipër. Menjëherë sapo e pashë në media që kishin adresën e gabuar unë ua kam çuar të nesërmen për shkak të lëvizjeve që kam bërë.”

Rama thotë që paratë e gjovae të shpifjeve do shkojnë në investime:

“Kryeministri ka për të dhënë llogari të madhe tek shqiptarët. Sot ishte në Kukës sepse sot ka qenë dita ku para një viti ka deklaruar që fillojnë fluturimet në aeroport. Sot duhet të thonte se pse ka gënjyer që sot fillojnë operimet në aeroportin e Kukësit.”

Gjithashtu u fol dhe për arsyet e verteta të largimit të Xhafajt dhe qëndrimin e tij ndaj ministrit të emëruar Sandër Lleshit.

“Për mua ishte një lëvizje e sforcuar. Lleshi nuk ka qenë i shkarkuar por i dalë në rezervë. Zotëria iu nënshtrua rregullit të ushtrisë, qëndroi në kohë për aq kohë që ia lejon grada.”

A po luan bllofin Basha kur kërkon zgjedhje të parakohshmë parlamentare?

“Sipas meje sistemi zgjedhor është shkatërruar. Reforma territoriale është një turp i të gjithë atyre që e shitën. Ka ndodhur një deformim i jashtëzkonshëm i demokracisë. Kryetarët e komunave quhen tashmë administratorë dhe emërohen nga kryetari i bashkisë dhe jo me votë. Reforma është e domosdoshme edhe për shkak të bllokimit që i ka bërë politika mekanizmint për të menazhar sistemin e drejtësisë.”

Si përfundim, Nishani shprehu mendimin e tij për punën e bërë nga pasardhësi Ilir Meta dhe për të ardhmen në politikë.

“Meta korrekt dhe institucional. Për të ardhmen jam aktiv në politikë, por jo në një projekt konkret në atashim në parti, jam pranë të djathtës në parimë dhe ide dhe do të qëndroj pranë PD deri në ditën që kjo parti të përçojë ato vlera që unë i mendoj si vlera të së djathtës”./abcnews.al

BYRO-POLITIKE-DT-29-00002.mpg_snapshot_03.19-1280x720.jpg
G. P.21:49 | 29/10/2018

Në mbrëmjen e sotme të emisionit “Byro Politike” nga gazetarja Juli Xhokaxhi u fol për ngjarjet më të rëndësishme në vend. Një diskutim mbi dorëheqjen e ministrit të Brendshëm Fatmir Xhafaj. Gjithashtu një analizë mbi ngjarjen e rëndë të ndodhur në fshatin Bularat, ku një i ri minoritar humbi jetën në një shkëmbim zjarri me forcat e policisë. Të ftuar ishin Enkelejd Alibeaj deputet i PD, Mentor Kikia drejtor i Klan Plus, Armand Bajrami gazetar i ABC News, Arjan Curri analist.

E larguan Xhafajn apo iku?

Alibeaj: “Ça rëndësie ka kjo? Panorama e përgjithshme është që ministri i Brendshëm, shumë i përfolur dhe i akuzuar, sot nuk është më në detyrën e tij. Nuk është se ka ikur apo e kanë larguar më një arysetim politik. Arsyeja është për shkak të situatës aktuale se ku është zhytur kjo mazhorancë: 1. Qeveria është e zhytur në krim; 2. Qeveria bashkëpunon me krimin për të blerë vota. Këto janë karakteristikat që e definojnë këtë lloj mazhorance. Ajo ç’ka ka ndodhur tani është shenja e parë që më në fund kjo organizatë mafioze që qeveris vendin, sot ka humbur hallkën kryesore të ingranazhit të vet. Kjo për shkak të luftës së fortë dhe intentensive të opozitës, por edhe që publiku shqiptar sot i ndjen këto dy simptoma të qeverisë”.

Kikia: “Xhafaj bëri gabim sepse e shiti në emër të moralit dhe nëse do ishte kështu duhet ta kishte shitur më herët. Xhafaj ishte syri i ciklonit, për gjatë gjithë vitit në politikë dhe nuk duhej njoftuar vetëm me një rresht. Duhen shpjegime sepse kjo e bën edhe më të ngarkuar ngjarjen. Xhafaj duhet të përgjigjet se kë kishte goditur me gurë?”

Bajrami: “Për mua është surprizë momenti i zgjedhur për dorëheqjen sepse në javën e kaluar patën një operacion të përmasave të mëdha. Mendoj se më shumë se kurrë publiku shqiptar e meriton një transparencë më shumë. Për mua ngre dyshim që vendimi i Xhafajt mund të jetë edhe e diktuar nga qarqe të caktuara qoftë edhe të botës së krimit që mund të jenë të shënjestuar nga operacioni volvo 4 ose të cënuar prej tij”.

Në lidhje më deklaratat e Xhafajt i cili tashmë i thotë opozitës që të nxjerrë provat.

Alibeaj: “Xhafaj se ka bërë kurrë angazhimin ndaj publikut. 3 kanë qenë kauzat e mëdha të tij. 1,Vëllai, 2.44 bandat kriminale, 3.operacioni volvo 4. Në secilën prej këtyre 3 kauza, kanë qenë të dështuara. Gjatë kohës që ishte në pozicione shtetërore i dha ndihmë vëllait për tu mos u ekstraduar. Përfshirja e drejtpërdrejtë e manipulimit të provave për Alizotin. Në këtë mes nuk ka çështje morale por kriminalo-mafioze. Sikur të mos ishin denoncimet tona mafia do ta gjente gjuhën e përbashkët”.

Gjithashtu, të ftuarit dhanë mendimin e tyre edhe për gjenerali Sandër Lleshin, i cili pritet të jetë dhe pasardhës i ministrit Xhafaj në postin e ministrit të Brendshëm.

Alibeaj: Ç’lind nga macja gjuan për minj.

Kikia: Zoti Lleshi tashmë nuk është më gjeneral. Lleshi i ka sugjeruar Ramës që t’i mbante prefektët ushtarakë dhe ky vendim i rezultoi i suksesshëm ndaj dhe e emëroi atë.

Bajramaj: Figurë interesante, përpos eksperiencës së tij ministria e Brendshme është në tjetër mënyrë të punuari dhe është sfidë e fortë për të.

Curri: Në qoftë se ka një ministër të Brendshëm dhe Mbrojtjeje duhet të garantojnë sigurimin civil. Dhe të vendosësh një gjeneral në këtë post ka një koflikt detyrash dhe statusesh.

Gjithashtu pjesë e diskutimit ishte dhe ngjarja e ndodhur në fshatin Bularat, ku mbeti i vrarë shtetasi Kostandinos Kaçifas në një shkëmbim zjarri me policinë.

Alibeaj: “Analiza e vetme në ngjarje është se nëse reagimi i policisë ka qenë proporcional për të arritur qëllimin, eliminimin e rrezikut. Nëse rreziku ka qenë se ai mund të merrte jetë njerëzish, reagimi do të duhej të ishte propocional. Qëndrimi i policisë është propocional sipas mendimit tim. Duhet të bëhet një hetim që shpirtrat të jenë në qetësi. Shqetësuese janë gjërat që ndodhin pas”./abcnews.al

byro-politike-1-1280x650.png
G. P.23:40 | 24/10/2018

Në puntatën ne sotme të emisionit “Byro Politike” nga gazetarja Juli Xhokaxhi fokus kryesor ishte se çfarë po ndodh me politikën shqiptare në tërësi. Duket se po kalojmë nga skandali në skandal, nga përgjime në videopërgjime, nga akuza në arrestime sikurse janë ato të kohëve të fundit. Akuza për shpifje që kanë regjistruar një numër të madh deri tani dosjesh në duart e drejtësisë edhe në radhët e politikanëve. Tashmë janë zëra të vetmuar ata që flasin për ekonominë, për varfërinë, për arsimin dhe për çështje të tjera me rëndësi jetike për qytëtarët shqiptarë. Si do të duhet të dali politika shqiptare nga kjo gjendje dhe çfarë po ndodh me reformat kur na ndajnë vetëm pak muaj tashmë nga qershsori vendimtar sa i takon çeljes së negociatave. Të gjitha këto çështje ishin pjesë e diskutimeve të Byrosë Politike të kësaj jave. Të ftuar ishin: Dashamir Shehi, kryetar i LZHK-së; Mark Marku, analist; Tomor Alizoti, analist dhe Roland Lami, gazetar./abcnews.al

 

BYRO-POLITIKE-DT-22-00001.mpg_snapshot_02.26-1280x720.jpg
ent ela23:05 | 22/10/2018

Mbrëmjen e sotme u fol për të cilësuarin “megaoperacionin” nga ana e autoriteteve, ku 27 persona u arrestuan, mes tyre personazhe të njohur në botën e krimit dhe të politikës. Të ftuar në puntatën e radhës së emisionit “Byro Politike” nga gazetarja Juli Xhokaxhi ishin: Alfred Lela drejtues i politiko.al; Enton Abilekaj FAX News; Mentor Kikia Klan Plus dhe Armand Bajarami gazetar në ABC News.

Në lidhje me goditjen politike ku dy ish deputetët janë në qeli, ndërkohë që Arben Ndoka ka qenë një emër i akuzuar nga opozita, ishte e paralajmeruar per Ndokën?

Lela: “Arrestimi i Ndokës është vetëm një prej lajmeve, siç është lajm që policia dhe prokuroria po lëvizin pas një kohe letargjie. Ngjyrat politike të kësaj situate përfaqësohen nga deputetët. Prania e Çukos është habi, ndërsa Ndoka është vonesë. Pavarsisht ngjyresave operacioni është pozitiv.”

Për faktin se këto arrestime bëhen në të njëjtën operacion ku përfshihen emra të krimit të ftuarit shprehen:

Kikia: “Arrestimi i deputeteve nuk u bë si pasojë e një operacioni antikorrupsion. Ndoka nuk është arrestuar si një proces i hapur ndaj tij. Ata nuk kanë qenë nisma ndaj prokurorisë ndaj zyrtarëve të lartë ata kanë dalë të implikuar gjatë një përgjimi kriminal. Është zinxhir i përpunimit të drogës. Gjatë përgjimit të një grupi që merrej me përpunimin dhe transportin në Shijak kanë rezultuar edhe emrat e këtyre ish zyrtarëve të cilët nuk kanë të bëjnë me aktivitetin kriminal të grupit, por zbulohen rastësisht nga përgjimet për gjëra të tjera.”

A ishte arrestimi i ish deputetëve si pasojë e presionint nga ndërkombëtarët?

Abilekaj: “Aksioni i policisë ndaj një grupi kaq të madh duhet përshëndetur. Për Ndokën mund të nisej një hetim për të shkuarën. Duke pasur parasysh se një njeri që pavarsisht me të shkuar kriminale është në parlament dhe pavarsisht se jep dorëheqjen vazhdon me aktivitet kriminal, duhet që kryeministri që krenohet me ligjin që dënon këdo, të japë një përgjigje. ”

Të pyetur për informacionet e deritanishme për situatën e deputetëve Ndoka dhe Çuko të ftuarit thanë se:

Bajrami: Kemi një frymë pozitive nga organet ligjzbatuese sepse nuk është hera e parë e një situate të tillë, më parë janë pluhurosur në regjistrat e prokurorisë, në rastin në fjalë kemi nje frymë ndryshe. Hetimi ka nisur në dhjetor të vitit 2016 pas dyshimeve për Abdylajt në zonën e Shijakut. ”

A kemi të bëjmë me nje rrjet të strukturuar kriminal?

“Sipas prokurorisë të gjithë janë të lidhur. Për Çukon hetimet janë për disa biseda mes shoferit dhe një ndërmjetësi ku diskutojnë per Olsin Karagjozin e dënuar në burg dhe transferimin e tij. Ku diskutohet për 3000 euro dhe një makinë për këtë transferim. Ndarja e këtij rrejti ka qenë e llahtarshme, në të gjithë tentakulat që përfshinin të gjithë Shqipërinë, janë përgjegjës për trafikimin e 2.7 tonëve kanabis në Itali. Korrupsione në polici, hipotekë. Hetimi është në zhvillim e sipër. ”

Kikia: “Operacioni u finalizua me ardhjen e drejtorint të policisë federalë gjermane. Unë mendoj që një nga arsyet e arrestimit të deputeteve ka qenë fakti se ka detyrim për të çuar në arrest dy ish zyrtarët. Çdo zbulim shkund të dhena për aktivitete te tjera. Ajo dosje është e përkthyer në gjermanisht, në mos ka ardhur gjermanisht dhe është përkthyer në shqip. Ata nuk mund të toleronin. Tani shpresoj të jenë mbledhur prova mjaftueshëm sepse ndodh që në fund në gjykatë shkojnë 3 vetë”.

Të ftuarit gjithashtu interpretuan dhe reagimet e kryeministrit Rama për këtë çështje.

Lela: “Nuk është se këto arrestime i vunë kapak të gjitha arrestimeve. Të mos gëzohemi sepse kjo që ka ndodhur ka qenë karrem ku ata kanë rënë në grep rastësisht. Ka disa implikime në këto arrestime, i moskapuri Lul Berisha ka marrë një certifikatë politike për lirim nga kryetari i Bashkisë së Durrësit. Implikim policor ka dhe tek peshqit më të mëdhënj, të moskapurit, mua më bën të dyshoj se ka pasur një sinjalizim. Këto arrestime janë pasoja të republikës së z.Rama. Këta dy zotërinj nuk besoj se janë në krye të babëzisë së zinxhirit ushqimor në politikë. Rama nuk e ka luksin e reagimeve.”

Abilekaj:“Në shijak nuk ka pasur asnjë lloj dekonspirimi. Ata që u kapën janë kokat e një organizate të njohur prej shumë vitesh dhe që kohët e fundit mbështetnin PS.”

Bajrami: “Lulzim Berishës i është bërë një kontroll banese pa një kontroll gjykate 24 orët e fudnit. Deri në këto momente nuk ka një urdhër arresti apo masë sigurie për të.”

Kikia: “Sipas atyre që kanë dalë, Lul Berisha nuk implikohet. I vetmi veprim që e implikon është kontrolli i banesës, por që nuk u gjet gjë. Mosimplikimi i tij mund të jetë taktikë e policisë për të mos dekonspiruar deri tani, nëse ai është i përfshirë”.

Të ftuarit gjithashtu folën edhe për reagimin e kreut të opozitës Lulzim Basha, ku u shpreh se peshku i madh është kryetari i Bashkisë Durrës, Vangjush Dako.

Lela: “Dako është i dyshuari i zakonshëm. Ajo që lexoj tek deklarata e z.Basha është se opozita do të vazhdojë me ritmin e përballjes për të shkuar tek “të tjerët” tek ata që janë me gjithë mend peshqit të mëdhenj. Sepse dyshoj shumë se këto janë ende pak dhe pse policia dhe prokuroria ka shumë punë për të bërë.”

Abilekaj: “Në fashikujt e prokurorisë në çështjen Babale-Alizoti ai ishte më shumë se kurrë nën akuzëm e krimit dhe kjo i erdhi në momentin e duhur.”

Rama ka deklaruar prisni deri nesër se aksioni vazhdon, a është ai në dijeni të të dhënave të tjera?

Lela: “Kjo është një rrezik tjetër pasi është veprim politik sërish. Ka një lloj bombardimi mediatik sepse nuk dihet se e gjithe kjo është një dalje apo është hetim me gjithë mend.”

Kikia: “Ky ka një dozë marketimi politik të të gjithë operacionit. Por pompimi është shumë i madh dhe kjo lidhet me maninë e qeverisë për ta vjelur këtë histori.”

Gjithashtu u dikutuar edhe për dorëheqjen e Arben Isarajt pas arrestimit të vëllait të tij.

Abilekaj: “Akti i Isarajt vuri në pozitë të vështirë ministrin e Brendshëm. Mesazhi i kësaj dorëheqeje është se ai mban një përgjegjësi morale. Dorëheqja e këtij zyrtari për shkak se iu arrestua vëllai e nxjerr zbuluar ministrin.”

Çfarë informacionesh ka deri më tani për lokalizimin e Klemend Balilit?

Bajramit: “Rasti i Balilit nuk ka qenë synim i këtij operacioni por ka qenë një informacion që ai ka qenë në një zonë të Sarandës por nuk e kanë gjetur. Bëhet fjalë për një kontroll rutinë sipas informacionit po nuk ka finalizuar këtë arrestim.”

Kikia: “Njerëz si Balili që kanë suport politik dhe popullor dijnë të fshihen. Shpresoj që të mos ketë dekonspirim.”

Rama u shpreh se nesër priten rezultate të tjera. Do të ketë emra të rinj apo finalizim të këtij operacioni në fjalë?

Lela: “Këto paralajmërime më duken pa sens. Ç’kuptim ka, njerëz të pushtetshëm ta bëjnë propagandën pas.”

Bajramaj: “Në këto moment në Shijak po bëhen akoma kontrolle banesah në kuadër të këtij operacioni. Nuk mund të flas me siguri, por jo zyrtarisht më është thënë që edhe në ditët në vijim do të ketë të tjera arrestime të forta.”/abcnews.al

BYRO-DT-17-1280x720.jpg
ent ela21:13 | 17/10/2018

Legalizmi apo jo i zanatit më të vjetër në botë ka qenë në fokus të debatit të kësaj të mërkure në studion e “Byro Politike”. Tre kundër dhe një pro legalizmit të prostitucionit në studion e emisionit kanë dhënë arsyet e tyre mbi këtë qëndrim. Kundër këtij legalizmi janë shprehur deputetja socialiste Elona Gjerbrea, deputetja demokrate Oriola Pampuri dhe gazetari i ABC News Andi Qosja, ndërsa juristi Jordan Daci ka dhënë shpjegimet e veta pro legalizmit.

Duke sjellë shembujt e vendeve evropiane që e kanë legalizuar dhe tani duan ta kthejnë mbrapsht, deputetet janë shprehur se cënon vlerat e familjes dhe shoqërisë, përpos risqeve të tjera.

Pampuri: “Nuk është profesion, preferoj ta quaj sjellje, jam kundër, cënon vlerat e shoqërisë e familjes. Vajzat e gratë që punojnë në këto shtëpi nuk janë gjermane, por të trafikuara nga vendet e tjera. Është rasti i sëmundjeve seksualisht të transmetuara. I gjithë fokusi dhe përqëndrimi është te kliienti, jo te gruaja apo vajza që ushtron këtë punë. Dëshira e klientit është primare”.

Gjebrea: “Është një fije e hollë që e ndan këtë vepër penale nga trafikimi, këto gra nuk e kuptojnë që janë skllave dhe përdoren dhe shfrytëzohen. Franca dhe Gjermania kanë legalizuar prostucionin dhe po shohin ta kthejnë mbrapsht. Se femra, gruaja trajtohet si skllave. Bazuar te statistikat, vendet që e kanë legalizuar janë kthyer mbrapa se kanë dalë elementë që nuk mund t’i kenë nën kontroll”.

Nga ana e tij gazetari Qosja duke shprehur qëndrimin e tij kundër legalizmit të këtij fenomeni, tha se duhet kontroll i rreptë, se shumë prej tyre zhvillohen në ambjente të marra me qira.

Qosja: “Kundër legalizimit të prostitucionit. Gjenden forma nga më të ndryshmet. 4 qendra estetike u mbyllën nga policia, shfrytëzoheshin ndër to edhe minorene. Forma e ushtrimti lidhet me mekanizmin që përdorin. Kishte edhe brenda një pallati ku kishte edhe familje të cilat shqetësoheshin”.

Por juristi Daci qëndrimin e tij pro legalizmit e shpjegon me faktin se, në kushtet kur prostitucioni është i rrezikshëm dhe vajzat mbahen në kushte ekstreme, duke u bërë pre edhe e fenomeneve të tjera, është më mirë që të legalizohen për të qenë të kontrolluara.

Daci: “Në kushtet kur kemi një fenomen të vjetër sa njerëzimi, nuk është çështja te legalizimi, numri është kerkesë-ofertë është paraja që përcakton Po-në ose Jo-në. Sado që lufton policia nuk e ul dot numrin në masë. Në këto kushte kur kemi industri që lulëzon dhe viktima e një trafikimi që dhunohet ,mbahet në kushte ekstreme, nëse legalizohet do ketë një trajtim më njerëzor, por misdis një prostuitucioni të rrezikshëm që shoqërohet me vepra të tjera penale si trafikim, drogë, përdorimi i femrës si karrem për të vënë gjoba, kemi një ulje të sëmundjeve. Të mos bëhet në mënyra të frikshme e të rrezikshme. Edhe nga pikëpamja sociale një shoqëri që nuk e ka të legalizuar, rrezikon shumë më tepër. Po të shohim Greqinë që ka jetëgjatësi të këtij fenomeni, nuk përbën problem nga rendi dhe sociale. Turqia  e ka legalizuar. Në Iran që ndëshkohesh me ekstrem dhe atje ekziston. Është fenomen që nuk e largojmë dot asnjëherë, por më mirë ta fusim në një kornzië të kontrollueshme. Unë nuk jam për stimulim, por kontroll”.

Gjatë bisedës u trajtuan edhe problemet e tjara që sjell ky fenomen siç janë sëmundjet seksualisht të transmetueshme, stresi post traumatik që i pengon t’i rikthehet një jete normale dhe arsyet kryesore që i shtyjnë këto gra dhe vajza t’i hyjnë këti zanati.

Ndërkaq Pampuri këmbënguli te mos provomimi i kësaj antivlere për shoqërinë, por apeloi që t’ i rikthehet vëmendja familjes dhe ruajtjes së vlerave familjare, pasi vitet e fundit janë zbehur.

Pampuri: “Nëse e promovon e promovon në sytë e fëmijëve, shoqërisë dhe promvon një antivlerë. Forcimi i familjes, mbajtja fort e jetës në çift. Kemi nevojë që familja të jetë më e fortë. Familja shqiptare sot nuk ka më ato vlera që ka pasur dikur. Prostuticion është që edhe në këmbin të një çante e syze ti shkel mbi normat e moralit, është një formë prostitucioni. Pse mos themi të forcojmë vlerat e familjes. Se duke e legjitimuar djali im nesër e sheh si mundësi dhe jo tabu, është më mirë tabu”. /abcnews.al

 

BYRO-POLITIKE-15-TETOR-2018-1280x720.jpg
ent ela21:50 | 15/10/2018

Paketa antishpifje e propozuar nga kryeministrit Rama është diskutuar në studion e “Byro Politike” nga juristi Jordan Daci, kryeredaktori i Klan Plus Mentor Kikia, gazetari, Mark Marku dhe deputeti Klevi Balliu.

Deputeti demokrat Balliu, nga ana ligjore është e pamundur pasi duhet të ndryshohet kodi penal. Sipas tij kryeministri Rama do të krijojë këtë ligj për t’u mbrojtur nga denoncimet.

“Rama krijon ligj për t’u mbrojtur nga denoncimet, nga ana ligjore është e pamundur se që të bëhet duhet të ndryshohet kodi penal. Rama ka hall politik që sot është në ditët e fundit, se këta njerëz të cilët kanë bërë krime e kanë grabitur qytetarët duhet të mbajnë përgjegjësi dhe ky është halli i tij”.

Nga ana e tij juristi Daci, duke fajësuar politikën ëpr këtë situatë që jemi sot, tha se shpifja dhe fyerja janë dy fenomene negative që cënojnë integritein e një personi dhe duhet ndëshkuar.

“Shpifja dhe fyerja janë dy fenomene negative që cënojnë integritein e një personi, që duhet ndëshkuar është pa asnjë lloj dileme. Është problematike, nëse politika jonë do ishte largpamëse dhe e zgjuar të gjithë janë fajtorë për këtë situatë që jemi sot”.

Në këndvështrimine tij Kikia e sheh si një nevojë urgjente rregullimin e sistemit të informimit, pasi shkatërron të drejtën e njeriut dhe gazetarinë.

“Sistemi ynë i informimit ka nevojë urgjente për t’u rregulluar dhe shqetësimi i Kryeminsitrit lidhet me shpifjet që adresohen ndaj qeverisë, por unë interesohem për shpifjet ndaj qyteraëve. Ky mekanizëm dueht rregulluar urgjent. Se[pse ka shkatërruar të drejtën e njeriut dhe gazetarinë”.

Ndërkaq sipas Markut një ligj i tillë që do të ishte vetëvrasje nga pikëmpja e Ramës , që tregon se rama ose është në pikë të hallit, ose do të heqë vëmendjen nga ndonjë skandal i radhës.

“Edhe mund të tentojë. Një ligj i tillë për mendimin tim do të ishte vetëvrasje nga pikëpamja e Ramës, ose do të terheqë vemendjen, ose është në pikë të hallit nga ndonjë skandal i ardhshëm. Është gjobë shumë e ashpër, nuk ka nevojë të ashpërsohet se 30 mln është 10 vjet punë me rrogën mesatare”. /abcnews.al

 

BYRO-DT-10-1280x720.jpg
ent ela21:17 | 10/10/2018

Video-përgjimi i Alizotit i publikuar nga deputeti demokrat Ervin Salianji një ditë më parë në studion e Opinion, është diskutuar në studion e Byro Politike në një panel juristësh dhe gazetarësh. I pyetur nga gazetari Spartak Koka  se sa i besueshëm është ky përgjim, juristi Jordan Daci u shpreh se juridikisht nuk është provë.

“Juridikisht video përgjimi që nuk është i autorizuar nga gjykata nuk ka vlerë, por edhe nëse është i autorizuar, është indicie, por nuk është provë”.

Sipas juristit Daci përveç përgjimit parandalues nga gjykata dhe prokuroria, të gjitha përgjimet e tjera janë të dënueshme.

“Kemi dy lloj përgjime që është parandalues dhe nuk përbën prove dhe përgjime nga gjykata e Prokuroria. Të gjitha përgjimet e tjera janë të dënueshme, por nuk mund të merret provë”.

Ndërkaq juristi Shefqet Muçi theksoi se tani që çështja u lëkund, masa e sigurisë ndaj Alizotit mund të ndryshojë.

“Tani që çështja u lëkund masa e sigurisë së tij mund të ndryshojë. Video-përgjimi i djeshëm ka të njëjtën vlerë, sikurse audio përgjimi parë, por rëndësi ka ajo se çfarë përmban”.

Ndërsa gazetari Armand Bajrami shpjegoi se  video-regjistrimi i mbrëmshëm as nuk e pohon dhe as nuk e rrëzon akuzën, por angazhon prokurorinë, që pas sekuestrimit do jetë marrja në pyetje e Alizotit për sqarimin e situatës.

“Pas sekuestrimit do jetë marrja në pyetje e Alizotit për sqarimin e situatës.  Kemi një video të titruar më dëgjim jo të saktë dhe  me zë të fshirë, që më krijon bindjen se ndërsa video e mëparshme është e dyshimtë s’mund ta zhvlerësojmë më një tjetër të dyshimtë.  Është një bisedë e nxjerrë nga konteksti. Nuk e dimë kush është personi tjetër që flet. Nuk e dimë në ç’ kushte është bërë”./abcnews.al

BYRO-POLITIKE-08-TETOR-2018.mpg_snapshot_01.21.37-1280x720.jpg
G. P.22:05 | 08/10/2018

Në puntatën e radhës të emisionit “Byro Politike” nga gazetarja Juli Xhokaxhi u fol për idetë e hedhura nga presidenti i Kosovës Hashim Thaçi, të cilat po ngjallin debate të jashtëzakonshme si në politikë ashtu edhe në analizën e Kosovës, Shqipërisë por edhe më gjerë. Sa funksionale mund të jetë ideja e korrigjimit të territoreve mes Kosovës dhe Serbisë? Sa e vertetë eshtë ajo ç’ka thotë presidenti Thaçi se kjo është mënyra për të arritur një marrëveshje përfundimtare me Serbinë në mënyrë që ky vend të njohë pavarsinë e Kosovës dhe të kalohet me normalizimin e marrëdhënieve mes tyre?

Për të folur në lidhje me këtë çështje të ftuar ishin: Agim Nezho, diplomat i njohur; Ardi Nurellari, opinionist, analist i njohur; Enver Bytyçi drejtori i Intitutit të studimeve për Europën Juglindore dhe Dritan Hoti, pedagog për marrëdhëniet ndërkombëtare në Universitetitn Mesdhetar. Sipas të ftuarve, në këtë çështje abuzohet me termin dhe iniciativën, pasi një tjetër gjë është ndarja e Kosovës dhe tjetër gjë është korrigjimi që përmban përfshirjen e Luginës së Preshevës.

“E gjithë kjo zhurmë e madhe nuk ndihmon por dëmton pozicionin e Kosovës.”

“Askush nuk e beson se Lugina e Preshevës i jepet Kosovës pa shkëmbim territoresh, duhet të jesh budalla i madh që ta besosh këtë”.

“Impakti ndërkombëtar është vendimtar për zgjidhjen dhe ecurinë e një marrëveshje ndërkombëtare. Është një ide që do të gjejë shumë vështirësi në konkretizim.”

Në lidhje me qëndrimin e Tiranës zyrtare në lidhje më këtë situatë u tregua për një konfuzim të moskonvergjimit të faktorëve politikë. U sugjerua që Tirana të mbajë një qëndrim profesional dhe parimor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono