Loading ...
Flakët kanë alarmuar banorët e Lagjes së Spitalit në Lezhë pasditen e sotme, kur një zjarr u përhap me shpejtësi pranë zonës së banuar.
Sipas të dhënave të para, zjarri nisi në një grumbull mbeturinash dhe më pas është përhapur me shpejtësi drejt banesave, duke krijuar rrezik serioz për banorët.
Ndërhyrja e shpejtë e zjarrfikësve dhe strukturave të emergjencave civile bëri të mundur vënien nën kontroll të flakëve, duke shmangur përhapjen e tyre në banesa.
Temperaturat e larta, që shkuan deri në 40 gradë, si dhe era e fortë, e vështirësuan punën e ekipeve në terren, të cilat u angazhuan për disa orë deri në stabilizimin e situatës.
Ndërkohë, policia ka nisur hetimet për të sqaruar shkaqet e zjarrit dhe për të përcaktuar nëse bëhet fjalë për një rast të qëllimshëm apo një ngjarje aksidentale.
