Byro Politike

WhatsApp-Image-2020-03-18-at-21.59.26.jpeg
Sid Orela21:44 | 18/03/2020

Në studion e emisionit “Byro Politike” në Abc News me gazetaren Juli Xhokaxhi është pneumolog Arjan Mezini, nga spitali “Shefqet Ndroqi”.

Gjatë fjalës së tij, mjeku foli për pacientin 66-vjeçar nga Lushnja që ndërroi jetë ditën e sotme si dhe për planin që do të ndiqet nëse numri i të prekurve vazhdon të shtohet. Mezini shpjegoi se nëse situata rëndohet tek Infektivi, Senatoriumi do të jetë një spital i linjës së dytë, por e mira do të ishte që situata të mos shkojë deri aty.

Sa i përket pacientit që ndërroi jetë, ai u shpreh:

Është pacienti që në fakt, sot ka ndërruar jetë që u bë zinxhir për prekjen e një pjese të stafit. Si mjekë ashtu edhe infermierë. Ishte nje pacient që kishte probleme me veshkat dhe nga ana pulmonare.”

I pyetur nga Juli Xhokaxhi se si është të shndërrosh një spital si sanatoriumi në spital për t’u përballur me një virus të panjohur, mjeku tha që kjo është diçka e vështirë, por duhet bërë nëse vjen nevoja.

“Nuk është e lehtë. Jemi në pandemi, jemi në situatë luftë, do japim më të mirë. Shefqet Ndroqi do jetë spital i linjës së dytë. Nëse tejngopjet infektivi. Linja e tretë do të jetë Spitali Kirurgjikal dhe më pas nëse situata vazhdon të përkeqësohet do drejtohemi tek strukturat private….Kam një thirrje kam një thirrje: na ndihmoni që ky skenar të mbyllet brenda infektivit. Që të kemi sa më pak të infektuar, sa më pak humbje jete. Mjekët e vërtetë kësaj janë njerëzit që duhet të ruhen.”

I pyetur nëse mjekët tek “Shefqet Ndorqi” kanë marrë masa të shtuara, me veshje speciale, Mezini u shpreh se që pas rastit të pacientit që ndërroi jetë alerti është më i madh.

“Alerti është më i madh. Stafi i urgjencës është më veshje speciale. Kurse ne jemi të gatshëm për t’u veshur.”

Sa është i trajnuar personeli i “Shefqet Ndroqit”?

“Trajnimi ka filluar kohë më parë dhe tani është më intensiv.”

juli-pipero.jpg
in a21:35 | 18/03/2020

Mbrëmjen e sotme “Byro Politike” është diskutuar  për koronavirusin i cili tashmë veçse ka prekur vendin tonë ka sjellë edhe dy viktima. Në një lidhje telefonike mjeku infeksionist, Pëllump Pipero ka folur për gjendjen e pacientëve të ndodhur në Spitalin e Infektivit, ndërsa theksoi se është tashmë e stabilizuar.

“Gjendja e 30 pacientëve është e stabilizuar. Nuk kemi asnjë të itubuar. Pacientët që kemi në pavione dy apo tre prej tyre janë, jo mesatarisht rëndë. Jemi ende herët për të bërë parashkime. Eksperienca e kolegëve tanë kanë dëshmuar se kjo sëmundje shenjat i bën nga dita e 6”, tha Pipero.

I pyetur nga gazetarja Juli Xhakoxhi për pacientin i cili rezultoi pozitiv, mjeku infeksionit tha se momenti i daljes nga spitali nuk përkon me shërimin e pacientit.

“Për pacientin 1, momenti i daljes nga spitali nuk përkon me shërimin e pacientit. Marrja e një mostre nuk do të thotë se pacienti është shëruar, por duhet të dimë se protokollet na deyrojnë të respektojmë marrjen e dy analizave në një hark kohor prej 48 orësh dhe pacienti do të vazhdojë vetëkarantimnim në shtëpi. Më pas merret një tjetër analizë për ta vërtetuar plotësisht. Por në spitalet italiane pacientë të shëruar janë rikthyer të sëmurë. Edhe për një muaj apo më shumë pas daljes nga spitali janë përsëri infektues për qytetarët e tjerë edhe pse vetë nuk kanë simptoma.

Pacienti pasi të bëhet testi i dytë do të dalë nga spitali, por për dy javë duhet karantinohet në shtëpi dhe kjo është  e rëndësishme, për të qenë të sigurt se nuk do të jetë burim infeksioni. Edhe pse është një lajm shumë i mirë duhet të tregohemi të kujdesshëm sepse virusi ka shumë të panjohura”, sqaroi Pipero.

I pyetur nga gazetarja Juli Xhokaxhi për mospërdomin e “ibuprofen” apo për medikamnetet që po eksperimentohen dhe se mendohet se kanë dhënë efekt, Pipero tha se deri tani nuk ka një medikament anti COVID-19, të miratuar. Nuk kemi një protokoll të trajtimit të COVID-19 që është totalisht anti- COVID-19. Të gjitha medikamentet të përdoraurua me efikasitet kanë qënë ose antivirale ose imunodepresorë.

Nuk bëhet ekpseriment me medikamente te njerëzit, por janë përdorur me efikasitet  dhe kanë rezultuar optimist.

Edhe ne po përdorim të njëjtat skema, antiviral dhe imunodepresor. Mjekimi tjetër është simptomatik.

Gjithashtu Pipero tha se virusi nuk transmetohet me insekte dhe se nuk kemi ende fakte se me ngritjen e temperturave do të ulet transmetueshmëria e këtij virusi.

“Jo se virusi zhduket nga ngritja e temperatura, por shkatërrohem me temperatur 50 grad për 30 minuta. Por ne duhet të presim zbutjen e kurbës së epidemisë dhe kjo nuk do të thotë që qytetarët të mendojnë se u ngroh koha dhe të lëvizin. Ata duhet të respektojnë urdhrat deri në një moment të dytë. Qytetarët nuk duhet të kenë frikë, por duhet të ruajnë veten dhe të tjerët dhe është shumë e rëndësishme të na dëgjojnë dhe të na mirëkuptojnë se pa bashkëpunimin e tyre ne nuk e përballojmë këtë epidemi.

byro-polirike-e.jpg
ger ta08:12 | 12/03/2020

Në një lidhje direkte për “Byro Politike” me Juli Xhokaxhi, zv.ministrja e Shëndetësisë Mira Rakacolli ka dhënë detaje për situatën e krijuar nga përhapja e koronavirusit në vend. Zv.ministrja u pyet nga gazetarja për vatrat ku është i përhapur koronavirusi në vend, ndërkohe që zyrtarisht dihet vetëm për Tiranën, Durrësin dhe Lushnjen. Lidhur me këtë Rakacolli u tregua e rezervuar, ndërsa pranoi që kishte një rast të dyshuar në Kavajë, por ka rezultuar negativ.

stroni.jpg
ger ta23:00 | 11/03/2020

I ftuar në “Byro politike”, me Juli Xhokaxhi, mjeku Gent Strooni dolim për situatën ekrijuar nga përhapja e koronavirusit në vend.

Stroni vuri theksin te ndërgjegjësimi i qytetarëve në një kohë kur situata është kritike. Mjeku tha se ashtu si e moshuara në Durrës që ndërroi jetë, dhe nuk tregoi se kishte ardhur nga Italia, në fakt është një rast i përsëritur që ndodh edhe me të tjerë.

“Ju u kapët te rasti i zonjës në Durrës dhe me të vërtetë thatë se ajo nuk ka treguar që ka qenë në Itali. Këtë ndjesi ne po e shikojmë edhe te persona të tjerë. Një nga rastet që ka qenë në spital, po në të njëjtën mënyrë, pasi u përball me mjekët që kanë qenë deri diku të pambrojtur, madje edhe duke u kollitur në prani të tyre, dhe më mbrapa thotë shiko se unë isha në Itali dhe doli pozitiv.

Secili duhet të kuptojë që secili prej nesh mund të jetë rrisk për të tjerët. Mund të jesh një rrisk i shtuar edhe për familjen tënde. Do të duhet të bllokojmë që në origjinë. Të jemi të ndërgjegjshëm që secili prej nesh mund të jetë një potencial i shtuar për të bërë një shpërndarje.

Kjo është cfarë duhet të bëhet në dinamikë, që njerëzit duke u ndërgjegjësuar’, deklaroi mjeku. /abcnews.al

 

toce.jpg
eri Ida22:41 | 11/03/2020

Këtë të mërkurë në emisionin Byro Politike me Juli Xhakoxhi është diskutuar mbi situatën në të cilën ndodhet vendi ynë pas viktimës së parë nga koronavirusi dhe 15 raste të infektuar.

Psikologia Denada Toçe është shprehur se shqiptarët nuk janë të ndërgjegjshëm kulturalisht për të shkuar në spital dhe për të bërë analizat e duhura mjeksore.

Nder të tjera nga emisioni Byro Politike psikologia Toçe i ka cilësuar masat e marra nga qebveria si një mënyrë e mirë për të shmangur një përhapje të koronavirusit dhe një ndërgjegjësim sa më të madh të qytetarëve.

Pjesë nga biseda në studio:

Juli Xhakoxhi: Çfarë është kjo mani për të fshehur se kanë ardhur nga Italia?

Denada Toçe: Ne kulturalisht nuk kemi prirjen që të shkojmë te mjeku dhe të zbulojmë problemet shëndetsore. Nga ajo që mund të zbulosh mund të shpëtosh veteveten, pastaj dhe të tjerët, nuk besoj se lidhet se dua të infektoj të tjerë por egoizmin personal që të mbrojë vetveten, pa të tjerët nuk kanë rëndësi.

Juli Xhakoxhi: Do të ketë dhe raste të njerëzve që duan të infektojnë qëllimisht?

Gent Stroni: Ka pasur tendenca që personat që kanë një infeksion të frukstruar ato bëjnë të mundur dhe tentojnë që të infektojnë dhe të tjerët.

Denada Toçe: Është e drejtë po këto raste lidhet ngushte me ato raste që lidhen me sëmundjet terminale. Siç është HIC AIDS që është një sëmundje që nuk ka shërim dhe një i infektuar fillon një urrejtje ndaj atyre që e rrethojnë ndaj dhe ka maninë të mos tregojë se është i infektuar.

Juli Xhakoxhi: Po paragjykimi është një faktor, siç është rasti i 28 vjeçarit që shumë nëpër rrjetet sociale e mallkojnë se pse ai nuk tregoi?

Denada Toçe: Kam përshtypjen se të gjithë njerëzit mund ta kenë këtë pasi refleksi natyror i njeriut tregon se une nuk jam i sëmurë ka dhe një lidhje të ngushtë me injorancën. Ne jemi injorantë dhe nuk e dime se çfarë nodh kur je në karantinë, kur shkon te mjeku. Rrjetet sociale kanë sjellë një panik dhe frikë, pasi shumë e lidhin karantinën me vdekjen.Por këto informacione duhet të zëvendësohen me rastet që janë shëruar dhe kurbën ku ndodhemi. Unë ju flas për ankth dhe panik, virusi sezonal vret shumë herë më shumë sesa % e koronavirusit

Juli Xhakoxhi: Ne themi jo ankthit e panikut, ndërkohë që një pjesë e shqiptarëve janë indiferentë a duhet të kenë pak frikë?

Denada Toçe: Frika nuk duhet të vijë nga presioni, por nga masat, këshillat dhe ndërgjegjësimi. Masat e mbylljes së institucioneve janë shumë të rëndësishme dhe gjobat po ashtu pasi mund të ndërgjegjësojë njerëzit në mënyrë që të mos vrasin. Ne kemi prirjen që të mos kujdesemi për tjetër dhe atë që është shumë pranë komshiun tonë duke filluar nga plehrat dhe pastërtia e pallatit ndikon te shëndeti i gjitonit ne nuk e marrim parasysh mjafto të jemi mirë vetëm për të tjerët s’më plas. Masat patjetër që duhet të merreshin pasi aksush nuk ka të drejtë që të cënojë të tjerët. Kjo është papërgjegjshmeri. Ne po flasim për të moshuarit, për të sëmurët tumorale, njerëz që nuk i kemi të afër.

Gent Stroni: Të falenderoj që e kape në këtë kontekst por do të duhet të shpjegohet diçka ky është një virus problematik për moshat e larta por duhet të theme dhe të japim kurajo për këto njerëz pasi duket sikur i kemi vënë para pushkatimit.

Denada Toçe: Përkundrazi ne duhet që ti ndërgjegjësojmë këtë grup vulnerabël dhe ta bëjmë me dije se shifrat nuk na gënjejnë dot ne duhet të jemi sa më realistë. Informacionet e mediave sociale kanë kthyer në bumerang atë të feedback i njerëzve. I gjithë ky reagim është kthyer në panik./abcnews.al

byroooooooooooooo-1280x595.jpg
eri Ida22:27 | 11/03/2020

Kryeqyteti mbrëmjen e kësaj të mërkure ka qenë në survejimin e postobllqeve të ngritura në disa pika kyçe në hyrje të qytetit ku forcat e policisë dhe ustrisë kanë bërë kontrollin e disa makinave.  Në një lidhje për emisionin Byro Politike, gazetari Maksi Rama ka raportuar se postoblloqet janë ngritur në disa zona të kryeqytetit ku efektivët e policisë të shoqëruar nga ushtria kanë ndaluar makinat dhe i kanë pyetur drejtuesit e tyre në lidhje me historikun e tyre të lëvizjes.

“Pas ndalimit policia i pyet drejtuesit e automjetët ku kanë qenë dhe ku kanë udhëtuar dhe fokusi është për të identifikuar personat që kanë qenë në Itali. Në fillim ato i pyesin pastj bëjnë edhe verifikimin në sistemin Tims. Fukusi i kontrolleve lidhet më shumë për të identifikuar nëse kemi të bëjmë me persona që kanë udhëtuar së fundmi në Itali”.

Ndër të tjera gazetari  i abcnews.al bën me dije se gjatë momentin që ato marrin në pyetje drejtuesit e makinave janë të pajisur me maska dhe me doreza.

Ndërkohë nga ana tjetër Bledian Koka e ka cilësuar një propagandë të shtuar qeveritare të gjithë këtë aksion. Në studion e emisionit Byro Politike me Juli Xhakoxhi, Koka është shprehur se masat e marra janë ekstreme dhe janë të njëjta me masat e marra në Kinë që është vendi i parë i infektuar dhe gjatë ditëve të fundit në Itali për shkak të numrit të shtuar të viktimave.

Sipas tij një vendim i tillë  në një analizë të thjeshtë tregon se situata në Shqipëri është shumë serioze.

Ku i kemi parë ne këto lloj masash kaq ekstreme në Itali dhe në Kinë. Masa ku ndalohet shërbimi urban, ku policia e ushtria del në rrugë nesë ne e marrim të mirëqenë analizën që po bëhet do të thotë se situata në Shqipëri është serioze, pasi deri para dy javësh ku të gjithë kërkonim që të mbyllej kufiri me Italinë dhe të merreshin masat na thuhej dse po përhapni panik dhe pas dy javësh ne po marrim të njëjtat masa si Kina që është vendi i parë i infektuar dhe Italia. Kjo që po shikojmë është një informacion propagandë.

Ne jemi sot Kina dhe Italia dhe qytetarët duhet ta dëgjojnë kjo tregon papërgjeghshmerinë e tyre, dhe me aksione përpiqen që të ndalojnë koronavirusin. Ministria e Arsimit vendosi që të ndërpresë mësimin, ndërkohë para dy javësh një shkollë private e mori këtë vendim por vetëm se ishte një vendim jashtë porpagandës ju hoq liçenca po për këtë shkollë çfarë mund të thuhej do i kthehet liçenca. A e dinë këto që bëjnë masa se punjësit e një Fasonerie kanë dalë në protestë dhe nuk kanë marrë asnjë masë, a e dini se një pjesë e madhe e punonjësve të postës shqiptare janë të terrorizuar pasi një pjesë e madhe e pakove vijnë nga Kina. Kjo nuk është një gjë që shuhet,” tha Koka.

rakacolli-foto.jpg
ger ta22:21 | 11/03/2020

Në një lidhje direkte për “Byro politike” me Juli Xhokaxhi, zv.ministrja e Shëndetësisë ka folur për situatën e krijuar nga koronavirusi, ku sot u shënua viktima e parë, ndërsa janë konfirmuar 15 të infektuar.

Gazetarja e pyeti Mira Rakacollin në lidhje me situanën në Durrës, ku një 73-vjeçare ndërroi jetë, ndërsa stafi mjekësor iu nënshtrua analizave. Zv.ministrja u tregua e rezervuar, duke përsëritur se 50 tetstet kanë dalë negative.

Ndërkohë, lidhur me denoncimin e opozitës për shpërndarjen e 1.2 milion maskave të skaduara, zv.ministrja tha se po shpërndahen të tjera shtesë.

Sakaë, sa i takon denoncimkt të mjekut Ilir Allkja, Rakacoli tha se do i bëhen analizat.

Pjesë nga intervista:

Mira Rakacolli: Vetëm sot në laborator janë testuar 138 raste dhe po vazhdon puna edhee për testimin e rasteve të tjera.

Juli Xhokaxhi: Durrësi konsiderohet si më i vështiri, e mbajti të fshehtë, është në karantinë spitali i Durrësit, cili është rezultati për personelin?

Mira Rakacolli: Të 50 mostrat që u morën për personelin kanë dalë që të gjithë negative. Numri i stafit nuk ka të bëjë me këtë që po diskutojmë tani, ju po diskutoni a u është bërë analia. Ka disa rregulla se si bëhet kjo gjë. Është njësoj sikur të thuash tu bësh analizën të gjithë njerëzve që kanë qenë në një lokal.

Juli Xhokaxhi: E përjashtoni mundësite që në spitali e Durrësit mjekë dhe infermierë të jetë në infektuar?

Mira Rakacolli: Unë i besoj eksperiecën së mjekëve tanë epidemiologë.

Juli Xhokaxhi: Ka patur reagime nga mjekët që kërkojnë përgjigje të analizave individuale dhe jo kolektive, një tjetër infermier thotë në rast se ne jemi të gjithë negativë pse na është kërkuar të jemi në karantinë.

Mira Rakacolli: Ky është një problem i epidemiologjisë. Nëse ata u kanë dhënë këto këshilla është problem i tyre. Analizat do i kenë në dorë secili.

Juli Xhokaxhi: Keni thënë se viktima ishte e vetme, por djali ka thënë se ka qenë edhe djali me dhomë.

Mira Rakacolli: Më keni ftuar të jem e pranishme në kuadrin e zv.ministres. Pyetjet që po më bëni janë profesionale, besojini shkencës. Specialistët më të mirë të vendit.

Juli Xhokaxhi: Dy pacientët e tjera që kanë qenë në dhomë me të ndjerën çfarë rezultatesh kanë?

Mira Rakacolli: Zonjë unë nuk kam emrat e pacientëve. Unë kam një info që 50 njerëzve që u janë marrë kanë dalë negativë.

Juli Xhokaxhi: Jo për personeli, për pacientët e tjerë.

Mira Rakacolli: Po them të gjithë atyre. Unë kam informacion zyrtar dhe rezulton që ato analiza janë negative

Juli Xhokaxhi: Sa keni arritur të gjurmoni nga kontaktet e të ndjerës?

Mira Rakacolli: Ky është një proces që mund tua shpjegojnë specialistët. Është një proces që po bëhet përgjegjshmëri.

Juli Xhokaxhi: Sot është publikuar një video personale e një mjeku të njohur që thotë se është vetëkarantinuar, pasi ka vizituar pacientë pa pajisjen mbrojtëse.

Mira Rakacolli: Ju po më bëni një pyetje që ka deklaruar një mjek pa emër.

Juli Xhokaxhi: Është Ilir Allkja

Mira Rakacolli: Ai e di , ka bërë gjënë më të mirë, do ti bëhet atij analizat dhe do shikohet. Kjo është gjë normale.

Bledian Koka: Maskat që dolën të skaduara janë zëvendësuar

Mira Rakacolli: Po vazhdojmë të shpërndahen maska

Bledian Koka: Po ato që keni patur janë hequr, ato 1.2 milion?

Mira Rakacolli: Ai problem është sqaruar disa herë dje. Nuk është mirë të përsërisim. Po shpërndahen maska të tjera

Bledian Koka: Po nëse nuk ishte problem pse i hoqët?

Mira Rakacolli: Unë thashë po shpërndajnë maska të tjera nuk thashë që po zëvendësohen. Sistemi shënetësor është tërësisht i mbrojtur. /abcnews.al

 

 

Capture-37-1280x598.jpg
in a22:39 | 04/03/2020

Gjatë bisedës në studion me gazetaren Juli Xhokaxhi, Bardh Kadilli u shpreh se në kohën kur PD ishte në pushtet janë kthyer dhjetëra ligje dhe vendime. Ai theksoi se Gjykata Kushtetuese nuk ishte e kapur gjatë qeverisjes së mëparshme.

Presidenti po tenton të marrë rolin e opozitës shqiptare?

Bojaxhi: Presidenti po përpiqet të faktorizohet politikisht. Kemi dy partitë kryesore që kanë filluar një dialog publik.

Në politikë nuk është vetëm çfarë po kërkon, për mua Meta po përpiqet të faktorizohet. PD do të vazhdojë të mbetet partia kryesore opozitare.

Ndërkohë Bardh Kadilli komentin e kryeministrit Rama se PD është servis figurantësh, Kadilli e quajti një tentativë bulliste. Ai u shpreh se në manifestin që u mbajt në bulevardin “Dëshmorët e Kombit”, më 2 mars, kishte edhe qytetarë me bindje të majta.

Me tone të ashpra gjatë bisedës në studio deputeti i PS-së, Arben Pëllumbi tha se Gjykata Kushtetuese nuk është e kapur nga mazhoranca.

Ai gjithashtu theksoi se Presidenti nuk është në rolin që i takon.

Ndërkohë Kadilli theksoi se nuk është turp që Presidenti të jetë me opozitën, ndërsa deputeti i PS duke iu kundërpërgjigjur theksoi se duhet të jetë mbi palët.

Meta ka frikë nga OFL, keni ndonjë gjë konkrete?

Pëllumbi: Po të kisha fakte do ti kisha denoncuar. Partitë politikë nuk janë gjykata dhe nuk duhet të bëjnë akuza faktesh.

Tomor Alizoti: Shqipëria ka nevojë për protesta të fuqishme. Presidenti është i vonuar. Këtë gjë duhet ta bënte më parë. Ta përkrahte opozitën.

Më tej Alizoti theksoi se dalja e opozitës nga Parlamenti ishte i domosdoshëm.

“Presidenti nuk mund të bëjë protestë në një vend normal. Ndërkohë Shqipëria është një vend anormal”, tha Alizoti.

Çfarë do të ndodhë nëse brenda 15 marsit mazhoranca nuk pranon propozimet?

Kadilli: Ka një dakordësi çfarë është hedhur në tryezë. Ka një prezencë të ndërkombëtarë në këtë proces.

Ndërsa deputeti i PS, Arben Pëllumbi theksoi se e rëndësishme që partitë janë ulur dhe se arritja e rezultatit duhet të jetë lëshim nga të dy palët.

/abcnews.al

tomorr-alizoti-populli-1280x610.jpg
nev ila22:25 | 04/03/2020

Tomorr Alizoti, Arben Pëllumbi, Fatbardh Kadilli dhe Gjergj Bojaxhi ishin të ftuar mbrëmjen e sotme në Byro Politike përballë gazetares Juli Xhokaxhi, për të folur në lidhje me paralajmërimin që ka bërë Presidenti Meta, se nëse mazhoranca nuk reflekton deri në 15 mars, ai do të shpërndajë Parlamentin.

Pyetjes së gazetares Juli Xhokaxhi se çfarë kërkon të arrijë Presidenti Ilir meta në momentin kur thotë se pas 15 marsit, do të hyj në parlament dhe do shpërndajë parlamentin, ata iu përgjigjën:

Gjergj Bojaxhi: Unë jam i bindur se edhe qytetarët mendojnë se Ilir Meta nuk është aspak i shqetësuar për hallet e popullit, është absurde ta diskutosh dhe ta marrësh seriozisht. Edhe nëse do hyjë në parlament si u zgjidh problemi i atyre që kanë fëmijë për të rritur? Si do zgjidhet kjo duke rregulluar Meta problemin e vet ?

Tomorr Alizoti: E majta mendon se kur individët dështojnë, përgjegjës janë shoqëritë e mëdhaja. Populli është fajtor që nuk funksionon demokracia, e marr përsipër përgjegjësinë për ta thënë këtë gjë. Ky koncepti bolshevik që populli nuk ka kurrë faj është i gabuar. Popujt ndryshojnë, ndryshe janë gjermanët, ndryshe italianët, ndryshe anglezët. Populli shqiptar nuk reagon, përfshirë edhe mua, nuk reagon ndaj padrejtësisë që i bëhet. Demokracia është reagim. Ky popull ka bërë zgjedhjet më të lehta në historinë e tij, dhe unë e marr kurajën të jem kritik me këtë gjë. Po të kishte marrë vendime të mira, Shqipëria nuk do të ishte e fundit në Ballkan dhe Rajon, qoftë për demokraci, qoftë për varfëri, qoftë për mirëqenie. Ky popull nuk mund të pranonte këta lloj politikanësh që shkon i voton. I shan gjithë ditën, dhe kur vijnë votimet përsëri shkon voton këta politikanë, dhe partitë më të mëdhaja. Po të mos ishte kështu, do kishte dalë mundësia që të kishin prodhuar një revolucion të ri, mondan, demokratik por kjo nuk ka ndodhur. Kjo është një fiasko kot, që themi se populli është shumë i mirë. Populli është përgjegjës që mban këta politikanë. Këta politikan janë aty se i populli i voton. Edi Rama në Shqipëri unë mendoj që e votojnë, edhe pak vjedh vetë. Nëse populli është i pakënaqur me Edi Ramën duhet ta heqi. Pse nuk i thonë; ra një tërmet në Durrës, a doli njeri para drejtësisë? Ai kryetari i bashkisë që vdiqën njerëz që ikën miliona dollarë investimi i gjithë shqiptarëve që mezi i kanë fituar me gjak, kush mban përgjegjësi për këtë? Durrësi duhej të ngrihej, dhe ti thoshte; mos hajde më këtu, por nxirr përpara përgjegjësisë personat.

Juli Xhokaxhi: Si mund të realizohet ajo që Meta thotë?

Tomorr Alizoti: Është një akt i fortë çfarë ka deklaruar Meta, nuk e di si mund ta zbatojë, dhe sa do e arrijë, por nëse do e realizojë që të frenojë dhe ndalojë këtë qeveri, që është zmadhuar kaq shumë, unë do e përshëndes dhe do ta mbështesë./abcnews.al

Capture-36-1280x666.jpg
in a21:54 | 04/03/2020

Mbrëmjen e sotme në “Byro Politike” është diskutuar për vendimin e Presidentit Meta për shpërndarjen e Parlamentit. I ftuar në studio anëtari i Kryesisë së PD-s, Bardh Kadilli u shpreh se roli i Presidentit po zhvishet nga kompetencat. Sipas tij aktorët politikë duhet të mendojnë për një Kushtetutë të re. Kadilli theksoi se pozita dhe shqiptarët ishin në mbrojtje të manifestimit.

Kadilli: Nuk ka në botë president jopolitik, vetëm shqiptarët shpikin gjëra të tilla. Presidenti është institucion Kushtetues. Sot kemi një mazhorancë që i ndryshoi radhën Kushtetuese Presidentit. Roli i tij po zhvishet nga kompetencat. Është e domosdoshme të mendojmë seriozisht për një Kushtetutë të re.

Çfarë arriti Ilir Meta me manifestimin?

Kadilli: Komunikimi i tij ishte i qartë , mori mbështetjen që kërkoi. Nëse Presidenti mendon që ky Parlament është antikushtetues, duhet të ishte shpërndarë. Si opozitë na ka pasur aty. Nëse ka vendosur të bëjë ekuilibër politik siç po bën do kërkojë atëherë duhet të presim.

Ndërkohë kryetari i Partisë Sfida për Shqipërinë, Gjergj Bojaxhi u shpeh qeverisja e sotme është e dështuar. Gjithashtu ai reagoi me kritika ndaj Presidentit Meta duke e cilësuar se nuk është një patriot siç i pretendon të shfaqet.

Është vendim i ekuilibruar?

Bojaxhi: Qeverisja është e dështuar. Nëse alternativa për shqiptarët është një president që del si patriot për në fakt është hajdut që ka vjedhur dhe këtë e dimë. Kemi 30 vjet që heqim njërin që ka bërë keq dhe vendosim një tjetër që ka bërë më keq.

Theksoj që zgjidhja ndaj problemeve dhe qeverisë që kemi nuk mund të jetë një njeri që e kemi parë me bllok e me laps që ka numëruar lekët tona. Situata nuk do të zgjidhjet pa shkuar në votim.

Bojaxhi: Nëse dy partitë kryesorë duan të japin zgjidhje më e rëndësishme është që qytetarëve shqiptarë ti japim mundësi që të shkojnë të votojnë.

Më tej ai tha se kjo nuk i ndalon qytetarët për të mos protestuar.

Fakti që Presidenti thërret popullin në një manifestim si ai i 2 marsit është një pikë kthese?

Bojaxhi: Nuk kam qenë për koalicionin e PD me LSI-në në 2009. Ne kemi për detyrë të zgjedhin një të keqe që është më e dukshme. Ti themi të keqes që është e keqe. Mendoj që LSI është tabelë e qartë e hajdutërisë që ka Shqipëria dhe ky President e mëshiron atë. Ai individ nuk mund të përfaqësojë ndryshimin.

Ndërkohë Tomor Alizoti tha se aktorët politikë janë ta pamoralshëm.

Alizoti: Çështja e moralit do të jetë në krye të sulmit politik ndaj Presidentit nga ana e PS. Kjo parti e votoi 100 % në Parlament, dhe kjo tregon shkallën e lartë të një individi dhe asnjë njeri nuk i thirri ndërgjegjes. Aktorët politikë shqiptarë janë të pamoralshëm sipas perceptimit tim.

Këta janë liderët shqiptarë ky është Presidenti nëse shoqëria është më e mirë le të prodhojë të tjerë. Këtu më shumë ka dështuar shoqëria se sa politikanë. Njeriu më i rrezikshëm dhe më i suksesshëm në kapjen e të gjitha pushteteve është Edi Rama. Demokracia në Shqipëri nuk është mirë funksionale. Më mirë që Ilir Meta është kaq i ashpër dhe i igër që ta frenojë diçka të tillë, dhe lëvizjen e tij e përkrah.

Ka të drejtë morale PS të gjykojë Metën?

Gjatë bisedës në studio gazetarja Juli Xhokaxhi drejtuar deputetit të PS se e kanë  problem shumë të madh për të dalë në studio: “PS e ka problem”, deputeti i PS u përgjigj: Më thuaj një media që e ka kapur Edi Rama.

Sipas tij është krijuar një perceptim i tij pasi liria e shprehjes në Shqipëri kalon caqet e realitetit.

Nuk mund të themi se ka qenë i suksesshëm për të kapur mediat. Ka qenë gjyqësori i pavarur dhe i pakapur nga politika? Nëse do të ishte, nuk do ti hynin kësaj reforme që po shkon përtej pritshmërive. Nëse do të donim ta kapnin sistemin nuk do ti futeshim reformës. Mund të na hidhet shumë baltë, por nuk jemi njësoj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono