Banka e Shqipërisë

SEJKO-DHE-MAJKO_ABC-M2-T1.mpg_snapshot_00.34-1280x720.jpg
G. P.16:56 | 14/12/2018

Për të lehtësuar transfertat e emigrantëve, Banka e Shqipërisë po shikon si mundësi që shërbimet bankare të shtrihen edhe në zonat rurale. Guvernatori Gent Sejko thotë se synimi është reduktimi i kostove për paratë që vijnë në formë remitancash.

Shërbimi bankar do të zgjerohet edhe në zonat rurale për të lehtësuar transkasionet financiare që kanë të bëjnë me remitancat. Guvernatori i Bankës së Shqipërisë, Gent Sejko tha se projektligji për shërbimet e pagesave pritet të ketë ndikim të drejtpërdrejtë në nxitjen e konkurrencës dhe reduktimin e kostove për paratë e dërguara nga emigratëntët.

Gent Sejko guvernator i BSH: “Projektligji vlerësohet të rrisë transparencën në shërbimet e ofruara nga tregu dhe në krijimin e një kuadri të konsoliduar për mbrojtjen e konsumatorit, një përbërës ky mjaft i rëndësishëm për tregun tonë. Së fundi, por jo më pak e rëndësishme, projektligji synon edhe zgjerimin e ofrimit të shërbimeve nga bankat në të gjithë territorin, përfshirë dhe zonat rurale. Gjithashtu, Banka e Shqipërisë dhe Komiteti Kombëtar i Sistemeve të Pagesave kanë miratuar dhe vënë në zbatim tashmë strategjinë kombëtare për tregun e pagesave me vlerë të vogël”.

I pranishëm takimin e zhvilluar në kuadër të memorandumit të mirëkuptimit për remitancat, nënshkruar vitin e kaluar, ministri i Shtetit për Disporën, Pandeli Majko tha se edhe pse krahasur me vitin 2007 ka një ulje me 27 % të remitancave që vijnë nga jashtë, sërish ato mbetet më të larta se invetsimet e huaja në vendin tonë.

Pandeli Majko ministri i Shtetit per Disporën: “Në Shqipëri shumat që hyjnë nga remitancat ëshët shumë më e lartë se ajo e invetsimeve të huaja. Ato mund të kthehen në histori suksesi për ekonominë e vendit”.

Sipas Majkos, kjo ulje e dërgesave pas 2007 ka ardhur si pasojë e krizës ekonomike që përfshiu rajonin si dhe liberalizimin e vizave./abcnews.al

SINKRON-RAMA-PER-RIDVAN-BODEN-ABCM5T2.mpg_snapshot_00.44.jpg
G. P.18:41 | 25/11/2018

Kryeministri Edi Rama ka sqaruar në rrjetet sociale, se përse zgjodhi emrin e Ridvan Bodes, ish-ministrit demokrat të financave në detyrën e anëtarit të Këshillit Mbikqyrës të Bankës së Shqipërisë.

Edi Rama, Kryeministër: “Ridvan Boden unë e kam takuar vetëm një herë në jetë, në rrethana krejt të rastësishme pa asnjë lidhje me politikën. Madje kur ai vetë ishte thjesht një ish deputet. Kemi shkëmbyer fjalë si njerëz të një qyteti dhe aq. Shumë kohë më pas, kur në kabinet përgatisnim 3 anëtarët që qeveria duhet ti propozojë kuvendit për Këshillin Mbikëqyrës të Bankës së Shqipërisë, i kam çuar një mesazh thjesht interesimi për kandidaturën e tij. Mesazhit, ish-ministri i Financave për shumë vite i është përgjigjur pozitivisht. Mirëpo dje kanë dalë propozimet zyrtare dhe Rdvan Bode është shpallur tradhëtar nga partia e tij. Arsyeja e propozimit tim dhe a ka tradhëtuar ai partinë apo partia atë, janë dy gjëra krejt të ndryshme. Kjo e fundit është debat që nuk më intereson mua, publikut dhe jo e jo instuticionit të Bankës së Shqipërisë. Këtë debat bëjeni në klubin e SHQUP-it. Të jesh i porpozuar për të kontribuar në borndin e Bankës së Shqipërisë, nuk mund të jesh dot as tradhëtar, as shërbëtor i një partie, por duhet të jesh thjesht një profesionist. Në atë bord, prejsardhjet e ndryshme politike të anëtarëve të Këshillit Mbikëqyrës, garantojnë jo një ekuilibër banal politik prej tepsie siç ka qenë traditë për shumë borde të tjera të këtij vendi. Por një ekuilibër politik këndvështrimesh dhe qasjesh ndaj politikës monetare të vendit. Duke propozuar Ridvan Boden zgjedhim ti shërbejmë vendit, Bankës së Shqipërisë dhe jo tepsisë së partisë.”/abcnews.al

BANKA-E-SHQIPERISE-PER-BUXHETIN.mpg_snapshot_00.44-1280x720.jpg
G. P.18:16 | 19/11/2018

Banka e Shqipërisë kërkon përmirësim të standardeve të kontabilizimit në buxhet të efekteve që do të kenë angazhimet në kontratat partneritet publik – privat. Për herë kreu i Bankës Qëndrore bëri të qartë rrezikqet që mund të kenë këto projekte për buxhetin dhe insistoi që të njihet efekti i mundshëm në borxhin publik të vendit.

Banka e Shqipërisë kërkon që qeveria të njohë efektin që do të kenë detyrimet e buxhetit ndaj projekteve partneritet publik-privat në rritjen e borxhi publik. Kjo është hera e parë që institucioni i bankës qendrore shpreh shqetësimin për rreziqet që kanë angazhimet e programeve PPP. Guvernatori Gent Sejko ndodhej në komisionin e Ekonomisë për dhënien e mendimit për buxhetin e 2019-s, ku kërkoi edhe vendosjen e një tavani buxhetor për këto kontrata në ligjin bazë të buxhetit.

Gent Sejko, guvernator i Bankës së Shqipërisë: “Ta njohim vlerën, efektin e PPP-ve në nivelin e borxhit në mënyrë realiste. Pra të dimë se sa këto pagesa për PPP do të ndikonin në nivelin e borxhit.”

Kreu i bankës qëndrore nuk përkrahu as idenë e përjashtimeve nga taksat për disa sektorë të caktuar.

“Një tipas tjetër i dëshirueshëm i politikës së taksave është edhe thjeshtimi i sistemit në drejtim të reduktimit të përjashtimeve tatimore.”

Por një tjetër shqetësim i Bankës së Shqipërisë është edhe defiçiti që kanë krijuar skemat e sigurimeve shoqërore dhe shëndetësore.

“Deficiti i skemave të sigurimeve shoqërore e shëndetësore është rreth 5.6% e PPB-së ose 2.6 herë më e lartë së deficiti i përgjithshëm buxhetor”.

Pavarësisht rreziqeve që sheh në buxhetin e vitit të ardhshëm, Banka Qendrore vlerësoi nismën e qeverisë për uljen e borxhit publik dhe po ashtu parimin për mosndryshimin e regjimeve tatimore. Ulja e tatimit të dividentit sipas Bankës, do të shtojë investimet vendase dhe të kompanive të huaja që operojnë në Shqipëri./abcnews.al

LRKU-DHE-RENIA-E-EUROS.mpg_snapshot_00.39-1280x720.jpg
G. P.19:37 | 29/10/2018

Leku po vijon forcimin e tij përballë valutës së huaj, ndërsa euro po zhvlerësohet përballë monedhës sonë vendase. Eksperti i ekonomisë Zef Preçi tregon disa nga arsyet e kësaj situate në tregun e këmbimit valutor dhe si duhet vepruar për stabilitetin e saj.

Java ka nisur pozitive në tregun valutor për monedhën vendase, e cila është forcuar ndaj valutave kryesore ndërkombëtare, por e kundërta ka ndodhur me monedhën europiane euro e cila ka nisur sërish të zhvlerësohet kundrejt lekut. Monedha europiane euro është këmbyer këtë të hënë me 124.2 lekë në blerje dhe 125 lekë në shitje. Ekspertët e ekonomisë shpjegojnë disa nga arsyet e forcimit të lekut dhe zhvlerësimit te mëtejshëm të monedhës europiane, duke theksuar se në qarkullim ka mjaft para që vijnë nga informaliteti e një sërë faktorësh të tjerë.

Zef Preçi, ekspert ekonomie: “Sasia e euros në qarkullim është rritur më shumë se sa kërkesa për të ç’ka reflekton edhe problematikën serioze të viteve të fundit, sa i takon aktiviteteve informale dhe kriminale. Të bëhet dallim nga aktivitetet informale që vijnë nga emigracioni apo nga taksat që nuk paguhen, apo aktivitetin e njohur të përpunimit, të kultivimit të kanabisite e drogave të rënda në tregun shqiptar. Të gjtiha këto kanq çuar në përqëndrime të mëdha parash në pak duar. Në bankat shqiptare kanë hyrë më shumë se 130 milionë euro si rezultat i transaksioneve cash të kompanive kryesisht atyre të ndërtimit. Por që nuk ptovohet origjina e këtyre parave.”

Por a duhet të ndërmerren masa nga instancat përkatëse për të frenuar këtë trend që dobëson monedhën euro dhe forcon atë vendase:

“Banka e Shqipërisë duhet të monitorojë më me kujdes dhe më nga afër këtë fenomen, në mënyrë që të ketë një paln real që çon në paksimin e qarkullimit të parave jashtë bankave. Së dyti duhet të bashkëpunojë me instuticionet e tjera ligjzbatuese sa i takon nënshkrimit të aktiviteteve kriminale të cilat deformojnë ekonominë edhe dëmtojnë politikënsepse një pjesë e këtyre parave mund të përdoren fare mirë në fushatat elektroale që do të çonte në deformim të vullnetit të qytetarëve.”

Gjatë verës, monedha europiane arriti nivelin më të ulët të këmbimit me lekun që prej 10 vitesh ç’ka detyroi Bankën e Shqipërisë të ndërhynte në tregun valuator duke blerë 13.9 milionë euro për të frenuar rënien e mëtejshme të monedhës europiane./abcnews.al

DSC1046-2-1280x853.jpg
G. P.17:52 | 03/10/2018

Banka e Shqipërisë vlerëson se marrja e borxhit në formën e një eurobondi në tregjet ndërkombëtare, bën që paratë e bankave të mos shkojnë për blerjen e bonove të thesarit, por për të rritur kredinë në ekonomi. Guvernatori Gent Sejko e vlerësoi operacionin si të suksesshëm dhe me një normë interesi më të ulët se në vitet e tjera.

Për Bankën e Shqipërisë emetimi i bondit me vlerë 500 milionë euro në tregjet e huaja dhe jo ato vendase do të krijojë mundësinë që bankat në Shqipëri të investojnë paratë në kredi për biznesin dhe individët dhe jo në bono thesari.

“Eurobondi liron likuiditet ne vendin tone per kreditim, sinjal pozitiv per investitoret e huaj”, u shpreh Sejko.

Guvernatori i bankës qendrore e vlerësoi si të suksesshëm mbylljen e transaksionit për emetimin e eurobondit me një normë interesi 3.55%. Ai tha se interesi ishte dyfish më i ulët se sa është kërkuar, çka do të thotë se ekonomia shqiptare shihet me besim nga investitorët.

“Ky është tregues i vlerësimit të ekonomisë shqiptare nga tregjet ndërkombëtare, përveç atyre të organizmave ndërkombëtare. Ai na vlerësoi me një interes të mirë për situaten aktuale, normat lëvizin nga dita në ditë”, theksoi guverantori i Bankës së Shqipërisë.

Në mbledhjen e të mërkurës Këshilli Mbikëqyrës i Bankës së Shqipërisë vendosi të mbajë të pandryshuar normën bazë të interesit për lekun, ndërsa vlerësoi një stabilizim të kursit të këmbimit, por pa deklaruar nëse banka qendrore do të vijojë më tej me politikën e saj të ndërhyrjes në tregun e këmbimit valutor./abcnews.al

lekkk.jpg
G. P.14:53 | 04/08/2018

Vendimi i Bankës së Shqipëeisë për te mos lejuar një mbiçmim të shpejtë të lekut ka nisur të japë efekte. Monedha vendase ka nisur zhvlerësimin ndaj valutës së huaj. Euro dhe dollari kanë rikuperuar humbjet e këtyre javëve.

Përfitmin më të madh e ka pasur dollari amerikan, i cili ka arritur të këmbehet në 108 lekë për njësi. Një rritje kjo me 0.4% sipas kursit të këmbimit të Bankës së Shqipërisë, ndërsa euro ndodhet në nivelin e 125.5 lekëve.

Ndërkohë  monedha europiane ka humbur pikë kundrejtë dollarit amerikan. Euro ra me 0.1.  Një dollar amerikan u këmbye me 1.15 euro. Ndërsa dollari amerikan avancoi edhe kundrejtë jenit japonez.111.73 dollarë amerikanë u këmbyen me 1 jen japonez./abcnews.al

EKSPOZITA-BANKA-1280x720.jpg
ent ela22:00 | 11/06/2018

Ekspozita “Gjergj Kastrioti Skënderbeu në monedhën dhe kartmonedhën shqiptare , e hapur më 17 janar në muzeun e Bankës së Shqipërisë në Tiranë, ka çelur dyert në Kosovë me rastin e 140 vjetorit të Lidhjes së Prizrenit.

Banka e Shqipërisë në bashkëpunim me Bankën Qendrore të Republikës së kosovës organizuan ekspozitën “Gjergj Kastrioti Skënderbeu në monedhën dhe kartëmonedhën Shqiptare”. Data e zgjedhur për çeljen e saj, 10 qershori, përkon me përvjetorin e 140-të të Lidhjes së Prizrenit në ndërtesën e së cilës u organizua edhe ekspozita. Në ceremoni ishin të pranishëm Presidenti i Republikës së Shqpërisë, Ilir Meta, ai i kosovës Ramush Haradinaj dhe personalitete të dy shteteve shqiptare.

Koleksioni i përzgjedhur për këtë ekspozitë të përkohshme, prezanton monedha dhe kartmonedha shqiptare të viteve 1921 – 1996 në të cilat shfaqet heroi kombëtar si dhe simbole të lidhur me të. Ekspozita, e cila do të qëndrojë e hapur deri më 12 qershor, shoqërohet edhe me një kënd informacioni ku vizitorët mund të njohen me funksionet e bankave qendrore dhe tematika të tjera të edukimit financiar. /abcnews.al

euro.jpg
G. P.16:49 | 11/06/2018

Monedha e përbashkët europiane po forcohet gradualisht, pas nivelit më të ulët në 10 vjet që preku në datën 5 Qershor. Sot një euro arriti  të këmbehet me 128,34 lekë.

Jo vetëm nuk ka pësuar më rënie, por monedha e përbashkët euro është rritur me 4.17 lekë, duke arritur në nivelin më të lartë që nga fundi i muajit Prill.

Ndërsa këtë të hënë, sipas kursit zyrtar të Bankës së Shqipërisë, një euro u këmbye këtë të hënë me 128.34 lekë, me një rritje prej 0.76 lekë në raport me fundin e javës së kaluar.

Banka e Shqipërisë ndërhyri në treg, pasi euro ra me shpejtësi në Maj dhe Qershor, duke zbritur në 5 Qershor në 124.17 lekë, niveli më i ulët në 10 vjet. Banka tha se kjo rënie ishte e papritur dhe kishte shkuar përtej parashikimeve, duke u ndikuar dhe nga efekti psikologjik i pritshmërive për një rënie të mëtejshme.

Individët nxituan të blinin valutë, në pritje të rritjeje të mëtejshme të euros dhe kjo ndikoi në forcimin e shpejtë të monedhës së përbashkët.

Luhatjet e mëdha kanë bërë që agjencitë e këmbimit valutor të rrisin marzhin e tregtimit në blerje dhe shitje, nga 0.5 lekë, në gati 2 lekë. Një euro mund ta blesh sot mesatarisht në agjencitë valutore me 129.3-130.3 lekë.

Për shkak të kësaj situate, ekspertët e tregut pohojnë se është e vështirë të bëhen parashikime për ecurinë në muajt në vijim, ndonëse tradicionalisht vera është një periudhë kur valutat dobësohen, për shkak të efekteve sezonale nga remitancat dhe prurjet e turistëve, që këtë vit pritet të arrijnë në nivel rekord./abcnews.al

gent-sejko.jpg
G. P.19:20 | 06/06/2018

Banka e Shqipërisë do të ndërhyjë në treg duke blerë valutë për të frenuar rënien e euros. Vendimi Keshillit Mbikqyrës të BSH u bë me dije gjatë një deklaratë për mediat të guvernatorit Gent Seiko. Njëkohësisht Banka e Shqipërisë uli më 0.25 % normën bazë të interesit.

Rënia e euros në tregun e këmbimit valutor në Shqipëri ka vënë në lëvizje Bankën e Shqipërisë. Guvernatorit i saj, Gent Sejko, lajmëroi të mërkurën vendimin e Këshillit Mbikqyrës për një ndërhyrje direkte në tregun valutor.

Gent Sejko: “Duke u nisur nga nevoja për ndërtimin e kushteve të duhura monetare për ruajtjen e stabilitetit të çmimeve dhe duke reflektuar mbi reduktimin e hapësirës së përdorimit të instrumentit tranacional të monedhës monetare, normës bazë të interesit, këshilli mbikëqyrës vendosi ndërmarrjen e operacioneve të blerjes së valutës në tregun e brendshëm valutor”.

Guvernatori shpjegoi edhe qëllimin e kësaj manovre.

Gent Sejko: “Kjo është një ndërhyrje për blerje të tepricës së valutës në tregun valutor në mënyrë që të frenohet përshpejtimi i mëtejshëm i mbikursit të mbiçmimit, i cili është konstatuar që ka pasur ritme të shpejta gjatë muajit Maj, në një mbiçmim që ka dalë përtej parametrave dhe kritereve që ne kemi si Bankë Shqipërie”.

Sejko theksoi se leku po forcohet nga oferta për valutë dhe nga konvertimi i kapitalit të disa bankave. Një tjetër vendim i Bankës së Shqipërisë ishte ulja e normës bazë të interesit.

Gent Sejko: “Të ulë më 0.25 pikë përqindje normën bazë të interesit duke e zbritur atë në nivelin e 1%. Të ulë me 0.15% normën e interesit të depozitës një-ditore”.

Guvernatori tha se rritja e stimulit monetar pritet të shoqërohet me reduktim të normave të interesit të kredisë dhe rritje të qarkullimit të lekut.

Gent Sejko: “Trendi i zhvillimit pritet të jetë pozitiv i karakterizuar nga rritja e mëtejshme ekonomike, nga lëvizja graduale e ekonomisë drejt ekuilibrit”.

Referuar kursit zytar të Bankës së Shqipërisë, të mërkurën një euro u këmbye me 124.42 lekë, me një rritje prej 0.25 lekësh në krahasim me ditën e mëparshme./abcnews.al

gent-sejkoooo.jpg
G. P.15:11 | 17/05/2018

Guvernatori i Bankës së Shqipërisë raportoi në paralament rreth ecurisë së ekonomisë së vendit për vitin që lamë pas. Guvernatori Gent Sejko deklaroi se viti 2017 është mbyllur me progres, ndërkohë që apëloi për avancim të reformave strukturore.

Guvernatori i Bankës së Shqipërisë, Gent Sejko, iu foli deputetëve në Kuvend për progres në ekonomi dhe sistemin financiar. Gjatë prezantimit të raportit për vitin 2017, guvernatori renditi disa arsye.

 “Vëllimi ekonomik u rrit me 3.8%. Nga këndvështrimi i kërkesës agregate, rritja ekonomike u mbështet nga rritja e konsumit, investimeve dhe eksportit. Zgjerimi ndihmoi rritjen në sektorin e shërbimeve dhe në degë të caktuara të sektorit të industrisë. U krijuan 79 mijë vende të reja pune dhe punësimi u nxit kryesisht nga sektori i shërbimeve”.

Pavarësisht rritjes, guvernatori shtoi se ekonomia po përballet me sfida.

“Inflacioni erdhi në rritje duke shënuar një nivel 2% nga 1.3% që ishte një vit më parë. Megjithatë, ky tregues vijon të mbetet nën objektiv, ndikuar edhe nga kursi i këmbimit”.

Për të ruajtur trendin pozitiv, kreu i Bankës së Shqipërisë i sugjeroi qeverisë dhe parlamentit avancimin e reformave.

“Në gjykimin tonë, reformat strukturore duhet të adresojnë në përmirësimin e klimës së biznesit, uljen e informalitetit, përmirësimi e kuadrit ligjor, funksionimin e administratës publike, zgjerimi i tregjeve për produkte shqiptare, rritje e eficenës së ekonomisë shqiptare, përmirësimin e  standardeve të administrimit të biznesit”.

Ndërkohë, treguesit e sistemit bankar, sipas guvernatorit, erdhën në përmirësim. Kreditë me probleme pesuan ulje me 5% krahasuar me vitin 2016, ndërkohë që është nxitur përdorimi i monedhës kombëtare pasi shkalla e lartë e euroizimit ekspozon ekonominë ndaj risqeve të kursit të këmbimit. Ndërkohë që një plan masash për këtë hyn në fuqi gjysmën e dytë të vitit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono