Sulmuesi shqiptar, Dionis Avdijaj, është larguar nga Trabzonspor dhe ka firmosur për skocezët e Hearts. Anësori nuk arriti të zërë një vend titullari te Trabzonspor, pavarësisht se iu dha numri 7 në fanellë dhe kishte pritshmëri të mëdha.
Avdijaj dhe Trabzonspor vendosën të ndërprisnin bashkëpunimin dhe shqiptari ka zgjedhur të transferohet në kampionatin skocez të futbollit. Skuadra e Hearts militon në elitën e kampionatit skocez, por ndodhet në vend të fundit, me vetëm 13 pikë pas 21 javësh.
Trajneri i Hearts, Daniel Stendel, tha për Avdijajn: “Dionisi është një lojtar me vrapim të fuqishëm dhe që mund të shënojë gola. Ai është lojtar i ri, por me eksperiencë në klube të mëdha”. Avdijaj mund të debutojë që të mërkurën, në ndeshjen kundër Ross Country./abcnews.al
