Laçi është një nga klubet më aktive në merkato. Bardhezinjtë janë përforcuar me disa lojtarë deri tani, teksa sapo kanë prezantuar edhe Dejan Zarubica.
28-vjeçari nga Mali i Zi aktivizohet në majë të sulmit dhe vjen nga ekipi i Buducnost, me të cilët u shpall kampion dhe shënoi 8 gola sezonin e kaluar.
Zarubica, i cili ka firmosur për dy vitet e ardhshme me Laçin, ka veshur fanellat e kombëtareve U16 (17 gola) dhe U19 (8 gola) të Malit të Zi, teksa ka provuar të luajë edhe në Serbi.
View this post on Instagram
“Zyrtarizohet goditja e radhës në familjen bardh e zi !! Dejan Zarubica është pjesëtari më i ri i familjes tonë duke nënshkruar një kontratë 2-vjeçare pas përfundimit të bashkëpunimit si kampion me ekipin e Buducnost! Miresevjen Dejan“, lexohet në komunikatën e klubit kurbinas.
Një përforcim i rëndësishëm në repartin e prapavijës për trajnerin Shpëtim Duro. Laçi është një nga katër skuadrat e Superiores që siguroi pjesëmarrjen në Europë dhe në raundin e parë të Conference League do të sfidojë malazezët e Podgoricës. /abcnews.al
