Kancelaria e Gjermanisë, Angela Merkel, më në fund ka vendosur për fatet e kampionatit gjerman. Merkel pritej të vendoste javën e shkuar, por konferenca e saj u shty për sot. Edhe gjatë ditës së sotme, konferenca e kancelares u shty dy herë, pasi planifikohej të jepte vendimin për futbollin në orën 13:00.
Edhe pse dy orë me vonesë, më në fund ka një vendim: Merkel ka dhënë dritën jeshile për futbollin gjerman dhe Bundesliga do të rifillojë ditën e premte, me datë 22 maj. Stërvitjet e skuadrave kanë filluar në kushte të rrepta higjiene dhe lojtarët po bëjnë teste të vazhdueshme.
Tek ekipi i Koln, rezultuan tre pjesëtarë të klubit pozitivë me Koronavirus, ndërsa në orët e vona të mbrëmjes së djeshme, rezultoi pozitiv dhe një futbollist i M’Gladbach. Pavarësisht këtyre, Merkel ka vendosur që futbolli të rifillojë./abcnews.al
BREAKING: Bundesliga will be allowed to resume in the second half of May, German government officials confirm pic.twitter.com/9yyGLBktYp
— B/R Football (@brfootball) May 6, 2020
