Loading ...Ky është momenti kur mbetjet e kartonit pranë big market marrin flakë.
Siç shihet edhe në këto pamje, zjarri nis fillimisht nga kartonët, e në vetëm pak sekonda, flakët përfshijnë fasadën e pallatit, duke shkrumbuar 30 apartamente.
Ka qenë ora 16:34 e së martës dhe në pamje shihen kartonat e mbeturinave në flakë.
Megjithatë, sipas hetuesve, pikënisja e kësaj vatre zjarri kanë qenë disa fëmijë, të cilët ndodheshin pranë kompleksit të banimit, pak minuta para zjarrit.
Grupi I hetuesve që vijon punën për zbardhjen e ngjarjes, ka në dorë pamjet e kamerave të sigurisë, ku 5 të mitur marrin disa kartona nga grumbulli I mbetjeve të big market e më pas në ikje, I hedhin sërish aty.
Pak çaste pas largimit të fëmjëve, shpërthen zjarri.
Deri në këtë fazë, policia ka vënë 8 persona nën hetim, 4 prej të cilëve u arrestuan pas ngjarjes dhe u lanë më pas të lirë nga gjykata e Tiranës, ndërsa 4 të tjerë u proceduan në gjendje të lirë.
