Zjarret në Amazonë, Trump mbështet Bolsonaron

Presidenti amerikan Donald Trump shprehu të martën “mbështetje të plotë” për homologun e tij brazilian Bolsonaro. Ky i fundit është angazhuar në një luftë fjalësh me presidentin francez Emanuel Makron dhe ka deklaruar se do të refuzojë një ndihmë prej 20 milionë dollarësh të ofruar nga grupimi G7 për të luftuar zjarret që kanë përfshirë Amazonën. “Ai po punon shumë për vënien nën kontroll të zjarreve të Amazonës dhe njëkohësisht po bën një punë të mirë për popullin e Brazilit, gjë që nuk është aspak e lehtë. Ai dhe vendi i tij kanë mbështetjen e plotë të Shteteve të Bashkuara”, ka deklaruar Trump në Twitter. /ABC News Albania 24/7