Loading ...
Megjithëse termometri do të regjistrojë vlera me dy gradë celcius më pak se java e kaluar një pjesë e territorit të vendit rrezikohet nga zjarret. Mundësi mesatare deri në të lartë për përhapje të flakëve Instituti I Gjeoshkencave parashikon në 9 qarqe.
“Qarku I Lezhës, Durresit dhe Fierit të cilat ndodhen në rrezik të lartë sa I përket zjarreve në pyje ndërkohë kjo lidhet me temperatura të larta dhe thatësirën për mungesë reshjesh disa ditë me radhë
Qarqet e tjera rrezik te moderuar dhe lokalisht disa prej qarqeve kanë probablitet të lartë Shkodra rrezik I moderuar, por lokalisht pjesa jugperëndimore rrezik I lartë sa I takon favorizmit të zjarreve, Tirana, Elbasani , Berati , Gjirokastra, Vlora të cilat në zona të lokalizuara arrijnë në rrezik të lartë sa I takon përhapjes së zjarreve.”
Në zona kodrinore dhe malore kryesisht meteorologët pasditen e të martës dhe të mërkurës parashikojnë rrebeshe, por sipas tyre nuk pritet të jenë shumë ndihmuese për shuarjen e një zjarri të mundshëm.
“Tipike rrebeshet përshkak të avullimit të menjëhershëm kthehen në reshje me intensitet të shtuar
Nëse ka premisë të ndodhet një zjarr në zona kodrinore, malore mund të ketë reshje, por nuk mund të presim shumë prej tyre se janë të lokalizuara si në kohë dhe siperfaqe.”
Temperaturat deri në fundjavë parashikohet të shënojnë deri në 34 gradë , më pas pritet një rritje graduale e tyre.
“Maksimumet pritet të shkojnë deri në 34 gradë për zonat e ulta kur është dhe maksimumi për vendin tonë nderkohë tempertuarat minimale ato të natës pritet të shenonjë deri 19 gradë dhe jo me poshtë. Në fundjavë pritet rritje graduale.”
Korriku sipas meteorologëve është muaji që regjistron dhe temperaturat më të larta në vend me vlera që kanë kaluar 40 gradë celcius. / abcnews.al /
