Zjarr në tregun e rrobave në Fier

schedule15:23 - 19 Qershor, 2022

schedule 15:23 - 19 Qershor, 2022

Një zjarr i rastësishëm ka rënë një treg rrobash të përdorura në Fier.

Menjëherë në vendngjarje kanë mbërritur zjarrëfikësit, të cilët  kanë bërë lokalizimin e zjarrit dhe shuarjen e tij.

Sipas të dhënave në vendngjarje, shkak i zjarrit mund të jetë bërë ndonjë shkëndijë elektrike.

I gjithë tregu është i mbuluar nga llamarina, të cilat në kohë temperaturash të larta nxehen. Në kontakt me to kanë qenë telat e ndriçimit të ndërtesës, të cilat kanë shkaktuar  shkëndijë elektrike.

Shuarja e zjarrit brenda një kohë të shkurtër ka bërë që edhe demi i shkaktuar prej tij të jetë i papërfillshëm.

Rënia e zjarrit në këtë pikë tregtare rrobash të përdorura, ka vëne në rrezik ndërtesat përreth, të cilat janë që të gjitha të banuara dhe pothuajse ngjitur me këtë treg. Për shuarjen e zjarrit, janë përdorur dy zjarrfikëse të Shërbimit Zjarrfikës.

Njoftimi i policisë

Fier

Informacion paraprak

Më datë 19.06.2022, rreth orës 14:35, në një dyqan në vendin e quajtur “Tregu i rrobave të përdorura”, dyshohet se për shkak të një shkëndije elektrike ka rënë zjarr.

Nuk ka dëme në njerëz.

Në vendngjarje kanë shkuar shërbimet e Policisë dhe të  zjarrfikëses, të cilët bënë të mundur fikjen e zjarrit.

Grupi hetimor po punon për zbardhjen e shkakut të rënies së zjarrit.

/abcnews.al/