Të paktën pesë persona, duke përfshirë edhe një fëmijë kanë humbur jetën tragjikisht në Rumani. Bujtina ku ata po qëndronin u përshi nga flakët. Dy persona u plagosën dhe tre të tjerë rezultojnë të zhdukur.
Ngjarja e rëndë ndodhi në fshatin Tohani që ndodhet rreth 100 kilometra larg Bukureshtit. Zjarrfikësit u përballën me vështirësi pasi flakët u përhapët me shpejtësi në të gjithë ndërtesën, në një sipërfaqe prej më shumë se 1000 metra katrorë.
Zjarri është vënë nën kontroll, dhe tani po vazhdojnë kërkimet për të zhdukurit. Autoritetet thanë se në total u shpëtuan 18 persona, dy prej tyre po trajtohen për djegie.
Bujtina nuk kishte një “çertifikatë të mbrojtjes nga zjarri” pasi disa parregullsive që u gjetën gjatë një auditimi në vitin 2019.
/abcnews.al
