Loading ...
Një kampion bote e ka të vështirë të qëndrojë në stol. Oliver Giroud është aktivizuar vetëm 100 minuta në kampionat dhe 17 minuta në Champions League në këtë fillim sezoni.
Tammy Abraham është zgjedhja e parë e Frank Lampard dhe sulmuesi francez i Chelsea nuk e fsheh zhgënjimin e tij. Në një prononcim për Le Pelerin, 33-vjeçari, të cilit i përfundon kontrata me “Blutë e Londrës” në fund të sezonit, flet për mungesën e aktivizimit.
“Nuk e pranoj dot këtë situatë. Nuk mund të jem fatalist në të tilla kushte. Kam treguar gjithmonë respekt dhe përulësi. Nuk jam dakord me vendimet e trajnerit, por nuk e kritikoj. Gjithsesi, e di se sa vlej dhe nuk mund ta pranoj mungesën e aktivizimit”, thekson Oliver Giroud. /abcnews.al
