Krahu i majtë, Luis Inacio Lula da Silva, është në avantazh me një diferencë shumë të vogël nga sa kishin parashikuar sondazhet, në përballjen e tij me presidentin Jair Bolsonaro në raundin e parë të zgjedhjeve presidenciale të së dielës në Brazil, sipas BBC.
Zgjedhjet e Brazilit po shkojnë në një raund të dytë në të cilin krahu i majtë Luiz Inacio Lula da Silva do të përballet me presidentin aktual të ekstremit të djathtë Jair Bolsonaro.
Me pothuajse të gjitha votat e numëruara, Lula kishte fituar 48% kundrejt 43% të Bolsonaros, një rezultat shumë më i afërt se sa kishin sugjeruar sondazhet. Por Lula nuk arriti më shumë se 50% të votave të vlefshme të nevojshme për të parandaluar balotazhin.
Votuesit tani kanë katër javë për të vendosur se cili nga të dy duhet të udhëheqë Brazilin. Për Lulën, i cili nuk mundi të kandidonte në zgjedhjet e 2018 sepse ishte në burg pasi u dënua për akuza korrupsioni, kjo nënkupton një rikthim të jashtëzakonshëm.
Votimi, në të cilin morën pjesë 156 milionë qytetarë, u zhvillua pa incidente serioze në vendin më të madh të Amerikës Latine. Jair Bolsonaro ka kërcënuar vazhdimisht se nuk do ta njohë rezultatin nëse humbet dhe i frikësohet dhunës.
Më shumë se 500,000 anëtarë të forcave të zbatimit të ligjit u mobilizuan për të garantuar sigurinë e raundit të parë të zgjedhjeve, i cili u ndoq nga dhjetëra vëzhgues të huaj.
/abcnews.al
