Presidenti i Ukrainës, Volodymyr Zelensky la thënë se forcat ruse po përpiqen të shkatërrojnë qytete në rajonin lindor të Donbasit në të njëjtën mënyrë që bënë në Mariupol.
“Në Donbas ka sulme masive ajrore dhe artilerie. Qëllimi i pushtuesve në këtë drejtim mbetet i njëjtë – ata duan të shkatërrojnë të gjithë Donbasin hap pas hapi. Lysychansk, Slovyansk, Kramatorsk – ata synojnë të kthejnë çdo qytet në Mariupol. Plotësisht të rrënuar”, tha Zelensky gjatë një fjalimi natën vonë.
Presidenti gjithashtu bëri thirrje për barazi në fushën e betejës duke kërkuar më shumë armë të rënda.
“Kjo është arsyeja pse ne vazhdimisht theksojmë përshpejtimin e furnizimit me armë në Ukrainë. Barazia është e nevojshme në fushën e betejës sa më shpejt të jetë e mundur për të ndaluar këtë armadë djallëzore dhe për ta zhvendosur atë përtej kufijve të Ukrainës”, tha ai. /abcnews.al
