“Mos e quani Shqipërinë “Greqia e re” apo “Maldivet e lira”. Vija e saj bregdetare është plot me surpriza”.
Është kjo nisja e një artikulli tjetër të gjatë dedikuar vendit vonë, të publikuar në të përditshmen britanike “The Times”. Në një përshkrim për malet, luginat e gjelbra dhe ujin e kristaltë të detit Jon, Shqipëria cilësohet si destinacioni i rrallë dhe ende i pazbuluar i Mesdheut.
Në zbulim të shtigjeve natyrore, plazheve të Himarës, Qeparoit e Borshit, në gjurmët e Çezarit brenda Parkut Kombëtar të Llogarasë gazetarja Marianna Hunt përshkruan natyrën e paprekur dhe trashëgimitë historike të Shqipërisë.
Jo vetëm turistë nga Europa por edhe nga ana tjetër e Globit kanë zgjedhur këtë vit vendin tonë.
Të surprizuar nga bregdeti, siguria në plazhe dhe mikëpritja e njerëzve edhe italianët nuk ngurojnë të thonë se Shqipëria për ta është më e mire sesa Italia.
Shqipëria ka shënuar rritje me 86 përqind në aktivitetin turistik për pesë vitet e fundit, duke lënë pas Greqinë, Turqinë dhe dhjetëra vende të tjera. Raporti i fundit i Komisionit Europian pason artikut e mediave prestigjoze ndërkombëtare dhe jehonën e suksesit./abcnews.al
