1 mld € më pak tarifa! BE dhe Australia në një hap të madh

Një tjetër sukses tregtar për Ursula von der Leyen, këtë herë në Australi!

Pas Marrëveshjeve me Mercosur dhe Indinë, Presidentja e Komisionit Europian ka përfunduar sot, 24 mars, një tjetër marrëveshje të rëndësishme të tregtisë së lirë për Bashkimin Europian.

Marrëveshja tregtare me Australinë do të lejojë heqjen e afërsisht 100% të tarifave doganore për eksportet e BE-së (me përjashtim të disa produkteve të çelikut), duke eliminuar rreth 1 miliard euro tarifë për eksportuesit.

Komisioni Europian parashikon një rritje prej 33% të eksporteve nga BE-ja gjatë dekadës së ardhshme, duke arritur në 17.7 miliard euro në vit.

Sektorët kryesore që përfitojnë janë: industria automobilistike (52%), industria kimike (20%) dhe sektori i produkteve të qumështit (48%).

Strategjia e diversifikimit tregtar, e nisur pas rikthimit të Donald Trump në Shtëpinë e Bardhë, po jep rezultate.

Australia do të hapë tregun e shërbimeve në disa sektorë kyç, si financat dhe telekomunikacioni, si dhe do të ofrojë akses më të madh për kompanitë e BE-së në tenderët publikë.

Komisioni pret përfitime të rëndësishme, me rritje të eksporteve të djathit, produkteve të mishit, verës dhe çokollatës.

“BE-ja dhe Australia mund të jenë larg gjeografikisht, por jemi afër në vizionin për botën”, tha von der Leyen.

“Po dërgojmë një sinjal të fortë për botën: miqësia dhe bashkëpunimi janë ato që kanë më shumë rëndësi në momentet e turbullirës”, theksoi ajo.