Zbulohet emri, kush ishte rebeli vlonjat që theu postbllokun, por u bë për spital

schedule23:02 - 12 Qershor, 2021

schedule 23:02 - 12 Qershor, 2021

Një 22-vjeçar theu postbllokun e policisë ditën e sotme në Vlorë duke ikur me shpejtësi, por më pas u përplas duke përfunduar në spital.

Gazetari i ABC në Vlorë, Elton Nika mëson se i plagosuri është Dino Hysaj, ndërsa ende nuk konfirmohet nga policia nëse brenda makinës është gjetur diçka e jashtëligjshme.

Por si ndodhi ngjarja?

I riu ishte duke udhëtuar me një makinë tip “Golf” me targa “AA 850 VP” kur patrulla e policisë i kërkoi që të hapte krahun dhe të ndalonte, por Hysaj nuk pranoi duke shtuar shpejtësinë si pasojë e së cilës në lagjen “10 Korriku” u përplas me një “Benz”.

Nga manovrat e forta pas përplasjes me “Benz”, “Golf”-i i drejtuar nga Hysaj u përplas me një pemë dhe u përmbys, ndërsa Hysaj përfundoi në spital. d.b/Abcenws.al