Zbulohet bomba e Luftës së Dytë Botërore/ Gjermani, evakuohen spitalet dhe mijëra shtëpi

Autoritetet në qytetin gjerman të Köln kanë evakuuar tre spitale dhe mijëra shtëpi pas zbulimit të një bombe të pashpërthyer të Luftës së Dytë Botërore gjatë punimeve në një kampus të ri mjekësore.

Bëhet e ditur se bomba e gjetur ajrore amerikane 1,000 kilogramëshe, e pajisur me një detonator, do të çaktivizohet të premten.

Një procedurë komplekse evakuimi kishte qenë në planifikim që kur filloi puna e gërmimit në vend rreth gjashtë muaj më parë, për shkak të frikës së bazuar se atje do të zbuloheshin mjete të pashpërthyera.

Ndërkohë, rreth zonës ku ndodhet bomba është krijuar një zonë evakuimi prej 500 metrash, shkruan the Guardian

Autoritetet e qytetit thonë se ekspertët u kanë thënë atyre se tetë bomba të tjera të pashpërthyera mund të jenë në vend, por se kjo mund të përcaktohet vetëm nga gërmimet e mëtejshme.

Siç raportohet, operacioni i evakuimit, i cili përfshiu rreth 1,300 urdhra të qytetit, polici, zjarrfikës, staf të shërbimit të urgjencës, një fushatë të plotë mediatike lokale dhe 800 vullnetarë, të cilët trokitën në dyer për t’u siguruar që banorët të largoheshin nga shtëpitë e tyre, u përshkrua nga autoritetet si më i madhi i këtij lloji që nga viti 1945.

Dy spitale u evakuuan të enjten, ndërsa një i tretë u evakuua së fundmi, së bashku me deri në 10,000 banorë të cilët u udhëzuan të largoheshin nga shtëpitë e tyre.

Trafiku dhe transporti publik u devijuan gjithashtu nga zona.

Pacientët u shpërndanë në spitale të tjera rreth qytetit në më shumë se 300 ambulanca, ose u zhvendosën në një strehë të ndërtuar përkohësisht, ndërsa banorëve iu dha strehim në ndërtesat e shkollave jashtë zonës së evakuimit.

Köln ishte ndër qytetet më të bombarduara në Evropë gjatë Luftës së Dytë Botërore. Evakuimet për shkak të gjetjeve të bombave ndodhin çdo vit dhe janë gjithashtu të zakonshme në qytete të tjera të mëdha në Gjermani që u shënjestruan shumë, përfshirë Berlinin.