Harry dhe Meghan Markle tashmë kanë një axhend shumë të ngjeshur në shtator, me shumë udhëtime. Princi Harry do të kthehet në Londër për ndarjen e çmimeve WellChild, në bashkëpunim me GSK, më 7 shtator.
Megjithatë, nuk dihet nëse Harry do të ribashkohet me ndonjë pjesëtar të familjes mbretërore gjatë qëndrimit në Mbretërinë e Bashkuar, pasi 8 shtatori do të shënojë edhe përvjetorin e vdekjes së gjyshes së tij të ndjerë, Mbretëreshës Elizabeth II.
Harry më pas do të fluturojë për në Gjermani për Lojërat Invictus në Dusseldorf dhe Meghan Markle do t’i bashkohet burrit të saj menjëherë pas fillimit të ngjarjes.
Një përfaqësues i çiftit nuk ka treguar nëse Duka dhe Dukesha do të shoqërohen nga fëmijët e tyre, Princi Archie dhe Princesha Lilibet. Duke pasur parasysh udhëtimin e gjatë, ata ka të ngjarë të qëndrojnë në shtëpinë e familjes në Montecito, Kaliforni me dadon e tyre ose nënën e Meganit.
Ndërkohë, Mbreti Karli III dhe Mbretëresha Kamila po presin anëtarët e familjes në Kalanë Balmoral në Skoci gjatë pushimeve të tyre verore. Sidoqoftë, Sussex-ët nuk kanë gjasa të jenë në mesin e të ftuarve. Ndërsa shumë besojnë se kjo është për shkak të përçarjes brenda familjes që nga dokumentarët e Harry dhe Meghan në Netflix dhe kujtimet shpërthyese të Dukës në ‘Spare’.
Archie shkon në kopshtin e fëmijëve në SHBA, edhe mësimet fillojnë në gusht. Harry dhe Meghan u panë për herë të fundit me fëmijët e tyre në Mbretërinë e Bashkuar në qershor 2022, kur morën pjesë në festimet e Jubileut Platinum të Mbretëreshës./abcnews.al
