Ambasadorja e SHBA në Shqipëri Yuri Kim e ka quajtur të mrekullueshëm riatdhesimin e katër fëmijëve shqiptarë nga kampi Al-Hol në Siri. Ajo thotë se shpreson se ky proces të vijojë duke vënë qeveritë para përgjegjësisë për riatdhesimin e shtetasve të tyre në mënyrë që ata të rehabilitohen. Ndërsa për ata që nuk mund ta justifikojnë veprimin e tyre, thotë Kim, duhet të përballen me drejtësinë.
“E mrekullueshme për të parë këta fëmijë të pafajshëm të çliruar nga ISIS. Shpresoj se hapat e tjerë do të ndiqen. Qeveritë duhet të riatdhesojnë shtetasit e tyre nga Siria në mënyrë që ata të rehabilitohen dhe, kur justifikohet, të përballen me drejtësinë”, shkruan Yuri Kim.
Wonderful to see these innocent children freed from ISIS. Hope other steps will follow. Governments should repatriate their citizens from Syria so they can be rehabilitated and, where warranted, face justice. https://t.co/tr4nekK2ao
— Ambassador Yuri Kim (@USAmbAlbania) October 28, 2020
Ditën e djeshme nga kampi Al-Hol në Siri u riatdhesuan katër fëmijë shqiptarë dhe një grua, Floresha Rasha. Kjo e fundit pritet të merret në pyetje nga SPAK për të dalë në përfundimin se si është larguar drejt shtetit sirian dhe personat që e kanë ndihmuar të largohet nga vendi (rekrutuesit)./mv. abcnews.al
