Loading ...
Xavi simons (19 vjeç) po shkëlqen te PSV. Sulmuesi që ishte zhvilluar në “La Masia” është golashënuesi më i mirë i kampionatit holandez me 12 gola. Ai gjithashtu ka dhënë edhe 6 asistime.
Lojtari ishte pjesë e Holandës dhe në Kupën e Botës në Katar. Ish-lojtari i të rinjve të Barçës, dhe ish-lojtari i PSG-së tashmë e di se shumë klube të Premierligës e duan atë, si Manchester United dhe Newcastle.
Drejtori sportiv i PSV Eindhoven, Marcel Brands, E merr me lehtësi, megjithëse e pranon këtë interes nga klubet angleze: “Unë nuk mendoj se Simons do të kthehet te PSG. Unë jam i sigurt se ai do të luajë këtu vitin e ardhshëm. Ne punojmë me të dhe do të shohim nëse mund ta marrim atë klauzolë nga PSG, megjithëse mendoj se edhe ai ëndërron të luajë një ditë në Premierligë”.
Rikthimi te Barcelona
Qëndrimi im te Barça përfundoi për disa arsye, por do t’ju them në kohën e duhur. I jam shumë mirënjohës Barcelonës. Do të kem gjithmonë shumë dashuri për klubin dhe njerëzit. Familja ime ende jeton atje. Është një qytet shumë i rëndësishëm për mua”, shpjegoi ai për Marca muajin e kaluar. /G.D abcnews.al/
Burimi: Today Times
