Nga këndvështrimi i Barcelonës, ndeshja e së dielës kundër Real Madridit është sfida e tyre më e rëndësishme në La Liga.
Një fitore për katalanasit do t’i vendoste ata 12 pikë më shumë se skuadra e Carlo Ancelottit në krye të tabelës, gjë që do të ishte një diferencë e madhe për “Los Blancos” për t’u rrëzuar.
Duke folur përpara “El Clasico”, Ancelotti ishte i prirur të zvogëlonte rëndësinë e ndeshjes në garën për titull. Në konferencën e tij për shtyp para ndeshjes, Xavi bëri të njëjtën gjë, duke shprehur besimin e tij se ka ende një rrugë të gjatë për të bërë.
“Çfarëdo që të ndodhë nesër, nuk do të jetë përfundimtare. Ka ende një rrugë të gjatë për të bërë, por fitorja do të thoshte një goditje e madhe për Real Madridin”, deklaroi Xavi, trajneri i Barcelonës.
Xavi gjithashtu dëshiron të shohë një performancë të ndryshme nga takimi i mëparshëm i “El Clasicos”, ku Barcelona mposhti Real Madridin 1-0 në ndeshjen e parë të gjysmëfinales së Kupës së Mbretit me një paraqitje të jashtëzakonshme./ h.ll/abcnews.al
