Romelu Lukaku do të jetë goditja e madhe e Chelsea në merkato. Klubi anglez ka arritur prej ditësh akordin me Interin në lidhje me sulmuesin belg.
Kampionët e Italisë përfitojnë 115 milion euro, ndërsa Thomas Tuchel do të ketë së shpejti në dispozicion goleadorin që priste.
Zyrtarimi i rikthimit të 28-vjeçarit në “Stamford Bridge” është çështje kohe. Timo Werner, i cili do ta ketë Lukakun shok skuadre në sezonin e ri, nuk i ka kursyer elozhet.
“Unë mendoj se nuk është e nevojshme të flasim shumë për Lukakun. Ai është një sulmues i klasit botëror dhe çdo ekip do përfitonte shumë nga ai.
Romelu është ndoshta një nga tre sulmuesit më të mirë në botë për momentin. Gjithmonë ka qenë ndihmë për mua të kem një sulmues të madh pranë meje“, deklaroi sulmuesi gjerman. /abcnews.al
