Është publikuar një fotografi e Kurtit dhe Vuçiç para darkës joformale në Berlin. Përfaqësuesi i Kosovës dhe Serbisë në fotografi shihen afër njëri-tjetrit.
Në periferi të Berlinit në organizimin e kancelarit gjerman, Olaf Scholz, po mbahet darka jo fromale në mes të kryeministrit të Kosovës, Albin Kurti, presidentit serb Aleksandar Vuçiç dhe të ngarkuarit të BE’së në dialogun Kosovë-Serbi, Mirosllav Lajçak.
Para takimit, Vuçiq ka publikuar një fotografi nga vendi i takimit duke falënderuar Scholzin për pritjen.
Aty shihet Kurti dhe Vuçiç si dhe përfaqësuesi i BE’së Lajçak.
“Faleminderit nikoqireve për organizimin e dialogut ndërmjet Beogradit dhe Prishtinës”, shkruhet në mbishkrimin e fotografisë.
Ndërkohë, i pari i qeverisë së Kosovës Albin Kurti, para darkës, tha se pret që tha se pret që të kuptohet se marrëveshja më e mirë është ajo e njohjes reciproke në mes të dy vendeve.
“Në takimin që do ta kem tash me presidentin e Serbisë të fasilituar nga Lajçak dhe të organizuar nga kancelari gjerman, unë pres që nga ky takim të kuptohet edhe më mirë se e vetmja marrëveshje pas një dialogu parimor ndërmjet Kosovës dhe Serbisë është ajo e cila është ligjërisht e obligueshme, e bën normalizimin e plotë sepse e ka në qendër njohjen reciproke”, tha Kurti për RTK’në. /Express
