Një 30-vjeçar u godit me thikë në orët e vona të mbrëmjes së djeshme në kryeqytet. Holdi Hajdari, ia ka dalë vetëm për pak orë që t’i rezistojë plagëve të marra dhe fatkeqësisht ka ndërruar jetë në spital mëngjesin e sotëm.
Vrasja ka ndodhur në periferi të Tiranës, në zonën e Kombinatit, në rrugën “Bego Hoxha”.
Policia ka identifikuar autorin e krimit dhe e ka shpallur atë në kërkim. Autori i dyshuar është një 25-vjeçar nga kryeqyteti. Po punohet intensivisht për kapjen e autorit./abcnews.al
