Kamzë – Disa minuta pas vrasjes së Can Kariçit në Kodër Kamëz, një makinë tip “Audi” është gjetur duke u djegur në Institut. Makina e djegur dyshohet se i përket, autorit/eve të këtij krimi.
Policia njofton se viktima, Can Kariçi , është banues në lagjen Nr.1 Bathore. Krimi raportohet se ka ndodhur rreth orës 19:56, në rrugën “Nikoll Vatnikaj”.
Për policinë ende nuk dihen rrethanat e kësaj ngjarje. Ndërkohë është rrethuar zona dhe janë ngritur disa postblloqe për të bërë të mundur kapjen e autorit/ëve. Sipas të dhënave paraprake dyshohet se për të kryer vrasjen është përdorur armë me silenciator pasi deri më tani nuk është raportuar për të shtëna. /abcnews.al/
