Një qytet në Kaliforni ka rënë dakord t’i paguajë 5 milionë dollarë familjes së një reperi 20-vjeçar, i cili po flinte në makinën e tij kur policia iu afrua dhe e qëlloi 55 herë në vitin 2019.
Policia pretendoi se ai kishte lëvizur duart për të marrë një armë, por pamjet e kamerës së trupit nuk e kapën këtë moment dhe në vend të kësaj dukej se ai ishte i befasuar dhe lëvizi dorën për të prekur shpatullën e tij.
Në video shihet qartë se oficerët nuk u përpoqën ta zgjonin ose të njoftonin se ishin oficerë policie përpara se t’i drejtonin armët në kokë.
Rasti ka rritur kontrollin e Departamentit të Policisë Vallejo, i cili ka një histori të gjatë brutaliteti dhe skandalesh. Nga viti 2010 deri në vitin 2020, qyteti kishte një nga nivelet më të larta të vrasjeve të policisë në Kaliforni, dhe më shumë se një duzinë oficerë kanë qëlluar qytetarët gjatë detyrës pa u përballur me pasoja.
Një nga oficerët që qëlloi McCoy kishte vrarë më parë Ronell Foster, 32 vjeç, një burrë i paarmatosur që po ngiste biçikletën e tij pa drita. Qyteti i pagoi familjes së Foster 5.7 milionë dollarë dëmshpërblim, më i madhi në historinë e Vallejos.
Çështja civile e familjes McCoy nuk ka shkuar ende në gjyq dhe mund të zgjatet për shumë vite të tjera.
/abcnews.al
