Ekspertet e krimeve në Policinë e Tiranës, janë rikthyer të shtunën sërish në vendin ku u vra biznesmeni 52-vjeçar në rrugën “Faik Konica”, për të bërë eksperimentimin se si u krye ekzektuimi dhe se ku ishte pozicionuar qitësi.
Nga verifikimet e bëra deri më tani, ka dyshime të forta, se autori I dyshuar të ketë qëlluar nga një pallat I vjetër që ndodhet rreth 50 metra larg vendit ku u ekzekutua Eduart Reçi.
Sipas matjeve të kryera, ka dyshime se ekzekutori të ketë qënë në një prej sheshpushimeve të pallatin, disa metra më lart sesa viktima. Grupi I ekspertëve është ngjitur disa herë edhe në pallatin nga ku dyshohet se u krye qitja, por deri në këto momente nuk kanë gjetur gjurmë baruti apo të dhëna të tjera që mund të çojnë në identifikimin e autorit. Dyshimet janë se arma që kanë qëlluar e mban gëzhojën në fole.
Predha është e një kalibri të vogël, 5.65 mm, me majë të hollë dhe të gjatë, struktura e së cilës ka bërë që të kalojë tej për tej në kokën e Eduart Reçit.
Ndërkohë edhe pse kanë kaluar 3 ditë nga ngjarja që tronditi kryeqytetin, hetuesit po hasin vështriësi për gjetjet e motivit të kësaj ngjarje. Megjithatë pista kryesore e hetimeve janë konfliktet për shkaqe pronësie të bizsnesmenit të ndërtimit, por nuk përjashtohen as konfliktet në të kaluarën e viktimës.
/abcnews.al/
