Policia britanike ka arrestuar të dyshuarin kryesor për vrasjen e deputetit britanik David Amees. Bëhet fjalë për një 25-vjeçar, djali i këshilltarit të ish kryeministrit somalez, i cili do të merret në pyetje nga autoritetet deri të premten. Sipas hetimeve të mëparshme, arsyeja e krimit dyshohet të jetë ekstremizmi islamik, tha policia në një deklaratë të premten.
David, i cili ka shërbyer si deputet konservator që nga viti 1983, u godit disa here me thikë pranë një kishe Metodiste në Leigh-on-Sea. David gjithashtu ishte i martuar dhe kishte katër vajza dhe një djalë.
Ky është deputeti i dytë që është vrarë gjatë viteve të fundit pas vrasjes së deputetit të Partisë Laburiste Jo Cox në qershor 2016. Sulmi i fundit ka ngritur shqetësime për sigurinë e deputetëve./abcnews.al
