Babis Anagnostopulos, piloti 32-vjeçar, i cili ka pranuar se ka vrarë gruan e tij në Glyka Nera të Greqisë ka hedhur poshtë pretendimet e hetuesve për një krim të paramenduar. Gjykata vendosi dje ta lërë në qeli, ndërsa e transferuan në burgun e famshëm Korydallos.
Në dëshminë e tij maratonë një ditë më parë, Babis u mundua të hedhë poshtë akuzën për vrasje me paramendim “ në një gjendje të qetë shpirtërore”.
Piloti 32-vjeçar kërkoi falje për krimin e rëndë që kreu dhe shprehu pendesën e thellë. “Me të vërtetë jam penduar për këtë akt, shkatërrova jetën time dhe familjen” tha ai, përcjell abcnews.al.
Në seancën e gjatë ai është përballur nga një mori pyetjesh nga hetuesit. 32-vjeçari kërkoi që të mos dërgohej në paraburgim dhe në çështje të përfshihen prova që ai nuk e planifikoi vrasjen e gruas.
Edhe ditën e djeshme ai ka dhënë të njëjtën dëshmi si ditën kur pranoi krimin. Mësohet se 32-vjeçari ka pohuar se Caroline “filloi të tundte trupin e saj dhe ai vazhdoi ta mbante të shtrënguar”.
Në një moment, dëshmon ai: “Ndërsa fytyra e saj po dridhej, dua të them që goja dhe hunda e saj ishin mbështetur në jastëk, unë e mbajta fort derisa ajo ndaloi së tunduri. E gjitha zgjati rreth pesë minuta nga koha kur e përqafova deri në momentin që ajo ndaloi së tunduri. E humba. U përpoqa ta zgjoja, e tunda por ishte e kotë. Atëherë kuptova se çfarë kishte ndodhur…”
Më tej ai ka thënë se nuk ka prova ndaj tij për akuzën e krimit të paramenduar. “Më vjen keq për atë që bëra. Shkatërrova jetën time dhe familjen. Unë jam plotësisht i vetëdijshëm se falja është një fjalë shumë e vogël dhe në asnjë rast nuk është e mjaftueshme për të lehtësuar dhimbjen që i kam shkaktuar. Njohja ime me Caroline filloi në verën e vitit 2017 në Alonissos, ku nëna ime u emërua si mësuese atje. Unë jetoja në ishull nga mosha dhjetë deri në 14 vjeç, ku blemë një shtëpi si rezidencë verore, në atë kohë vizitoja shpesh ishullin. Caroline erdhi përgjithmonë në ishull, ku ishte nxënëse. Kam punuar si pilot helikopteri në një kompani private dhe për këtë arsye kam vizituar ishullin mjaft shpesh me helikopter, por edhe në ndonjë mënyrë tjetër për ta parë atë. Ne vendosëm të martoheshim në shtator 2018 dhe dasma u bë më 15 korrik 2019, në përvjetorin e njohjes sonë. Zgjodhëm shtëpinë tonë në Glyka Nera në prill 2019, para dasmës sonë dhe filluam të jetonim atje në qershor ”.
Babis rrëfen se sjellja e gruas së tij ndryshoi që në shtatzëninë e parë dhe më pas me lindjen e vajzës, Lydias, shkruan abcnews.al.
“Caroline mbeti shtatzënë disa javë pasi u martuam. Ideja e këtij fëmije do të kompletonte familjen dhe lumturinë tonë. Fatkeqësisht, kut ishte tre muajsh shtatzënë, Caroline abortoi dhe që nga ajo kohë sjellja e saj po ndryshonte gradualisht. Në vjeshtën e të njëjtit vit ajo mbeti shtatzënë për herë të dytë në Lydian tonë. Ndërsa çdo prind ndjen dashuri për fëmijën e tij, kështu që Lydia dhe unë, sidomos pas ptoblemeve të saj shëndetësore, është personi më i rëndësishëm në botë dhe dashuria që unë ndiej për të nuk mund të përshkruhet me fjalë. Siç e përmenda më lart, katalizatori për ndryshimin në sjelljen e Caroline ishte humbja e femijës tonë të parë. Nga ai moment, ajo filloi kishte shpërthime agresive ndaj meje. Për të menaxhuar këtë situatë unë vendosa që të shkonte tek një psikolog. Në fillim pranoi, por më pas gjente justifikime dhe nuk shkoi më”.
I akuzuari shton më tej se nuk ka planifikuar për asnjë moment arratisjen e tij. “Unë nuk kam ndërmarrë ndonjë veprim përgatitor për arratisjen time, por përkundrazi, sa herë që jam thirrur nga autoritetet, paraqitesha vullnetarisht dhe menjëherë pa krijuar problemin më të vogël ose duke penguar procedimin penal”. g.v/abcnews.al
