Loading ...
Pas tre ditësh Vllaznia pret në Shkodër boshnjakët e Siroki Brijeg për ndeshjen e dytë të raundit të parë eliminator të Conference League. Ndeshja e parë, mes shumë polemikash për arbitrimin, u mbyll me shifrat 3-1 për boshnjakët.
Edhe pse shpresat e Vllaznisë për të kaluar më tej janë të vogla, tifozët shkodranë duan të jenë pranë skuadrës dhe kanë vërshuar në sportelin e “Loro Boriçit” për të blerë bileta.
Klubi shkodran ka publikuar një foto të tifozëve në radhë për biletat, teksa shtojnë se interesimi është i madh. Ministria e Shëndetësisë lejon 30% të stadiumit me tifozë, çka do të thotë se nesër do jenë në stadiumin “Loro Boriçi” rreth 5 mijë spektatorë. /abcnews.al
