Në Qendrën Klinike Universitare të Kosovës ka ardhur në jetë një foshnjë që peshon rreth 6.5 kilogramë. Ky rast, sipas mediave në vend, është unik në historinë e Klinikës së Gjinekologjisë.
Fëmija ka ardhur në jetë me anë të një prerjeje Cezariane, ashtu si edhe dy vëllezërit e motrat e tij.
Njoftimi i ShSKUK.
“Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion. Pacientja me inicialet I.P. nga Drenasi, e lindur në vitin 1991, që edhe dy lindjet e para i ka kryer me operacion, dhe foshnja janë në gjendje të mirë shëndetësore.” /abcnews.al/
