Real Madrid dhe Barcelona garuan fort mes tyre për shërbimet e Vinicius Junior në verën e vitit 2018. El Clasico e merkatos u fitua nga “Los Blancos”. Talenti brazilian zgjodhi Realin dhe e ka një shkak për këtë vendim.
19-vjeçari, i cili ndëshkoi Barcelonën në përballjen e fundit, tregon në një rrëfim për FourFourTwo se kishte vetëm tre ditë kohë për të vendosur mes dy “gjigantëve” spanjollë.
“Mora një ofertë nga Reali dhe një nga Barcelona. Kisha vetëm tre ditë kohë për të zgjedhur, por i kisha idetë e qarta. Doja të luaja në klubin më të madh në botë, ky është shkaku pse zgjodha Real Madrid. Prindërit e mi i vizituan të dy klubet, por edhe atyrë u pëlqeu më shumë Reali”, tregon Vinicius Junior. /abcnews.al
