Zjarri që ka përfshirë prej pesë ditësh pyjet e disa fshatrave të njësisë administrative Fan vijon të jetë aktiv.
Të hënën, për shuarjen e flakëve u angazhua edhe një helikopter i ushtrisë.
Nga toka, ndërhyrja e forcave të shërbimit zjarrfikës është shumë e vështirë për shkak të terrenit të thyer.
Zjarrfikësit e Mirditës si dhe qyteteve të tjera, Kamzës e Tiranës, janë përqendruar në zonat e banuara, kryesisht në fshatrat Xhuxhe, Petoq, Shëngjin dhe Lajthize për të mos lejuar që flakët t`u afrohen shtëpive.
Deri më tani dëmet e shkaktuara në pyje janë të mëdha.
Përveç Lezhës vatra aktive sipas ministrisë së mbrojtjes ka edhe në fshatrat Surroj dhe Barrë në Qarkun e Kukësit si dhe në fshatin Sopot në Delvinë.
/abcnews.al
