Vllaznia nuk ndalet dhe këtë herë mposht 3-0 ekipin e Kastriotit, që nuk e kishte provuar shijen e humbjes në gjashtë javët e para. Një përballje e nisur me gol, me Dungën që shënoi në minutën e parë. Më pas Haris Dilaver dyfishoi dhe në fundin e pjesës së parë Imeri me një parabolë befasoi Hidin dhe me 3-0 praktikisht fatet e kësaj ndeshjeje ishin vendosur.
Kukësi vijon me ecurinë pozitive, pas ka marrë fitoren e katërt radhazi dhe ngjiten në vendin e dytë për momentin. Verilindorët kishin një transfertë kundër Bylisit, që e fituan me shifrat 0-3. Eze realizoi që në fillim, pas një topi të dhuruar nga vendasit, kurse në fundin e pjesës së parë Ibraimi realizoi me një gjuajtje fluturimthi.
Ndeshje emocionuese në Laç, ku Tirana mposhti vendasit me një gol fantastik të Idriz Bathës. Kurbinasit nuk kishin shënuar me penallti, pasi Bekaj ndali sulmuesin Nwabueze. Më parë edhe Vangjeli kishte ndalur një top në vijë fatale. Paqartësi te Laçi më pas, ndërkohë që Sasracku kishte mundësinë të mbyllte ndeshjen. Nuk shënoi dhe më pas Laçi provoi disa herë, por pa sukses.
Më në fund triumfon edhe Apolonia, që i falet një goli me penallti kundër Skënderbeut. Mario Gjata shënoi dhe i dha tre pikët fierakëve. /abcnews.al
KATEGORIA SUPERIORE – JAVA 7
E mërkurë, më 9 dhjetor, ora 13:45
Kastrioti-Vllaznia 0-3
Shënues: Dunga 1′, Dilaver 18′, Imeri 43′
Laçi-Tirana 0-1
Shënues: Batha 38′
Bylisi-Kukësi 0-3
Shënues: Eze: 2′, Ibraimi 45′, Limaj 87′ (pen.)
Apolonia-Skënderbeu 1-0
Shënues: Gjata 79′ (pen)
78′ Penallti për skuadrën e Apolonisë. Sulmuesi Mario Gjata u tregua i saktë para portierit Mario Dajsinani, duke e dërguar topin në rrjetë
https://streamable.com/svqo0c
45′ Eze asiston për Agim Ibraimin, i cili shënoi në portën e Bylisit një gol mjaft të bukur. Kukësi shkon i qetë në dhomat e zhveshjes
43’ Vllaznia shënon edhe golin e tretë, me Demir Imerin që befasoi me një parabolë portierin Isli Hidi
https://streamable.com/p3wti8
38’ Idriz Batha shënoi një gol shumë të bukur në portën e Laçi. Topi në trekëndësh dhe Sherri që nuk ia del ta devijojë.
35′ Penallti për Laçin, Toli prek topin në zonë. Nuabweze e merr përsipër, por Bekaj bën mrekullinë dhe e pret goditjen e amerikanit
18′ sulm nga krahu i djathtë i Vllaznisë, Haris Dilaver merr një pasim nga Imeri dhe brenda zone nuk fal dhe e dërgon topin në rrjetë
1′ Ismael Dunga e nisi mbarë, duke ndëshkuar skuadrën e Kastriotit me një gol të realizuar me një gjuajtje nga brenda zonës
