Manchester United ishte shumë pranë një fitoreje historike përballë Liverpool, por ai gol i Adam Lallana në minutën e 85-të bëri që dy skuadrat të marrin nga një pikë pas rezultatit 1-1. United bëri gjithçka mirë dhe e meritonte fitoren, por Liverpooli tregoi karakter dhe ia doli të shmangte humbjen.
Si gjithmonë, në komentin e Sky Sport, ishin dy legjendat e futbollit anglez, Jamie Carragher dhe Gary Neville. Kjo sfidë ishte shumë emocionale për dy ish-futbollistët, pasi panë për 90 minuta ish-ekipet e tyre të luftonin në fushë.
Edhe pse para kamerave, si Carragher, ashtu dhe Neville, nuk i fshehën emocionet, madje ish-mbrojtësi i MAnchester United goditi fort tavolinën në momentin kur Lallana barazoi shifrat. Një moment që tregon qartë urrejtjen që tifozët e Manchester United kanë ndaj Liverpoolit./abcnews.al
