Roma dhe Milani po luajnë një ndeshje spektakolare në “Olimpico”, teksa po luftohet fort edhe në përballjen e La Ligas mes Villareal-Atletico Madrid. Kuqezinjtë e Piolit e nisën zjarr dhe krijuan disa raste të rrezikshme për gol.
Ekipi mik gjet dy herë rrjetën në minutat e para, por golat ishin të parregullt. Pa vlerë edhe goli i Romës, teksa Kjaer goditi traversën me kokë. Për të zhbllokuar ndeshjen u nevojit një penallti, që u akordua pasi arbitri kryesor pa pamjet në VAR.
Franck Kessie nuk gaboi nga pika e bardhë dhe Milani në avantazh në minutën e 42-të. VAR edhe në Spanjë, aty ku kryesuesit e Atletico Madrid po luajnë në një transfertë të vështirë. Mesfushori i Villareal, Alfonso Pedraza shkaktoi autogol në minutën e 25-të.
https://streamable.com/d8eb6u
Arbitri kryesor kërkoi ndihmën e teknologjisë VAR, që konfirmoi rregullsinë e golit. Avantazh i rëndësishëm për djemtë e Diego Simeone, të cilët nuk po kalojnë një moment pozitiv, në kampionat dhe Champions League. /abcnews.al
