Janë padyshim në listën e pretendentëve. “La Furia Roja” spanjolle ka treguar edhe njëherë se është mes më të mirave të kontinentit, teksa në “Estadio Nuevo Vivero”, të Bajadozit kanë “shkatërruar” me rezultatin e thellë, 5 me 0, përfaqësuesen e Andorrës, në sfidën e parë të kësaj minifaze përgatitore.
“Festivali” i golave nisi që në pjesën e parë, me “fantazistin”, Ayoze Perez, që gjen rrugën e rrjetës, në minutën e 24′-t për të zhbllokuar sfidën dhe për të gjetur golin e tij të parë me fanellën e “iberikëve”. Me nisjen e fraksionit të dytë të lojës nisi edhe spektakli i “La Furia Roja”, me Oyarzabal, që realizoi tregolëshin personal në minutat 53′, 66′ e 73′, ndërsa Ferran Torres “vulosi” rezultatin e përgjithshëm në minutën e 81′-të.
Pas kësaj sfide tre herë kampionët e Evropës do të fillojnë përgatitjet për miqësoren e radhës atë të 8 qershorit, ndaj përfaqësueses së Irlandës së Veriut e për të nisur më pas rrugëtimin në Kampionatin Evropian të futbollit, më 15 qershor, kundër Kroacisë. /i.m /abcnews.al
SHIKONI GOLAT
