Loading ...TIRANË- “La Traviata” e autorit Giuseppe Verdi çeli sezonin e ri në skenën e Teatrit Kombëtar të Operës dhe Baletit, por jo gjithçka shkoi mirë. Një episod i pakëndshëm ndodhi në skenë me protagoniste sopranon Eva Golemi.
Në rolin e Violetës, skena parashikonte që “vdekja skenike” e Golemit të ishte në duart e tenorit meksikan Mario Rojas, por ky i fundit e la sopranon të binte në tokë.
Ky incident ka bërë që Golemi të anulojë shfaqjen e dytë për shkak të dëmtimit që pësoi. Sopranoja u shpreh se ky episod nuk i kishte ndodhur kurrë më parë.
“Për herë të parë në 70 vënie të Violetës me ndodh ky incident”, tha ajo.
Sopranoja Golemi interpreton “Violetën”, gruan, e cila sfidoi normat e kohës dhe guxoi të jetojë dashurinë e saj deri në fund. Bëhet fjalë për personazhin aq shumë të njohur të operës “Traviata” të Giusepe Verdit, e që mbrëmjen e së premtes i është dhënë jetë nën interpretimin e sopranos Eva Golemi.
