Mbyllet në barazim 1-1 takimi Teuta-Partizani. Në “Niko Dovana” u luajt një sfidë e fortë dhe tepër e luftuar, por asnjë nga skuadrat nuk përfitoi nga frenimi i Vllaznisë përballë Kastriotit ditën e djeshme (0-0).
Jasri Asani zhbllokoi takimin në minutën e tetë. Asist i Cordeiro dhe finalizim i sulmuesit nga Shkupi. Vendasit reaguan dhe gjetën golin e barazimit në minutën e 37-të. Blerim Krasniqi kërceu më lart se të gjithë në një goditje këndi.
Topi në rrjetë dhe barazim 1-1. Edhe pjesa e dytë ishte tepër e luftuar, por gola nuk pati më. “Demat” e Ilir Dajës e mbyllën sfidën me dhjetë lojtarë pas daljes me të kuqe të Valentino Muratajt.
Mesfushori mori kartonin e dytë të verdhë në minutën e 80-të dhe la ekipin me një lojtar më pak. Përfundimisht barazim 1-1. Partizani dhe Teuta ndajnë vendin e dytë me nga 27 pikë, 9 më pak se Vllaznia kryesuese. /abcnews.al
KATEGORIA SUPERIORE – JAVA 16
E hënë, më 25 janar 2021, ora 16:45
TEUTA-PARTIZANI 1-1
(Krasniqi 37′ / Asani 8′)
Teuta: Frashëri, Todorovski, Hoxha, Arapi, Kouros, Aleksi, Avdyli (Kapllani 87′), E. Vila, L. Vila (Gruda 79′), Bregu, Krasniqi. Trajner: Edi Martini
Partizani: Hoxha, Idrizaj, Bitri, Belica, Hakaj, Broja, Mala, Murataj, Cordeiro (Çinari 72′), Asani, Solomon (Junior 73′). Trajner: Ilir Daja.
Karton i Verdhë: (Avdyli 47′, Todorovski 63′, Kouros 78′ / Belica 49′, Murataj 49′, 80′)
Karton i Kuq: Murataj 80′
80’ Murataj shkakton faull në mesfushë dhe gjyqtari nxjerr kartonin e dytë të verdhë. Nuk ka asnjë protestë nga mesfushori, që vrapon menjëherë drejt dhomave të zhveshjes.
https://streamable.com/pse9wg
60′ Shans shumë i mirë për Teutën për të kaluar në avantazh. Blerim Krasniqi godet lehtë pas një topi të ardhur nga goditje e dënimit, pret Alban Hoxha.
https://streamable.com/gpu4sc
37′ Tjetër gol në “Niko Dovana” dhe vjen reagimi i Teutës. Goditje këndi për vendasit dhe finalizim me kokë i Blerim Krasniqit, i cili kërcen më lart se të gjithë dhe dërgon topin në rrjetë.
8′ Partizani në avantazh. Jasir Asani merr një pasim nga William Cordeiro dhe mposht portierin durrsak me një diagonale të saktë me të djathtën.
