Zbardhe të tjera detaje për ngjarjen e ndodhur në orët e para të mëngjesit në Durrës. Policia bën me dije se është tentuar të dëmtohet me lëndë djegëse mjeti tip “Reno” në pronësi të shtetasit A.C.
Gazetari Leonidha Musaj raporton për abcnews.al se kamera e sigurisë së një biznesi pranë ka konstatuar autorin.
Mësohet se ai është një djalë i ri me kapele në koke qe ecte me biçikletë. Autori në ecje e sipër është filmuar duke hedhur lendën plasëse poshtë makinës.
Policia po analizon pamjet filmike të siguruara për të identifikuar autorin dhe për të hedhur dritë mbi ngjarjen.
Ndërkohë, që do të merren në pyetje edhe dy shoferet e makinave të parkuara aty pranë.
Njoftimi i policisë:
Më datë 20.07.2020, rreth orës 03:00, në lagjen nr.3, Durrës, është tentuar të dëmtohet me lëndë djegëse mjeti tip “Reno” në pronësi të shtetasit A.C., e për pasojë ka pasur dëme të vogla materiale në mjetet tip “Reno” dhe “Ford”.
Grupi hetimor dhe shërbimet e Policisë ndodhen në vendngjarje, dhe po punohet për zbardhjen e ngjarjes, identifikimin dhe kapjen e autorit.
/abcnews.al
