Një sherr masiv ka ndodhur në mesnatë në Lungomare të Vlorës. Protagonistë ishin policë të qarkullimit rrugor dhe qytetarë.
Sherri ka ndodhur pas ndalimit nga policia të një të riu që lëvizte në këtë zonë të populluar të qytetit me një skuter elektrik të marrë me qira.
Ndërsa policët po i komunikonin kundërvajtjen rrugore dhe masën administrative të riut, janë afruar dy pronarët e subjektit ku ai kishte marrë me qira motorin elektrik, Rudi Pashaj dhe Klaudio Pashaj.
Dy vëllezërit përkatësisht 29 dhe 23 vjeç kanë debatuar me punonjësit e policisë dhe më pas I kanë goditur me grushte.
Dy punonjës policie kanë pësuar fraktura dhe aktualisht ndodhen në spitalin e Vlorës.
Në pranga janë vënë dy pronarët e biznesit që jepnin me qira mjete elektrike Rudi Pashaj dhe Klaudio Pashaj.
Sipas policisë ata ushtronin aktivitetin pa licencë dhe zaptonin hapësirën publike. Policia thotë se po punon për kapjen dhe vendosjen para përgjegjësisë penale të personave të tjerë që goditën efektivët gjatë ushtrimit të detyrës.
Në qytetin e Vlorës skuterat elektrik janë kthyer në problem për shkak të mosrespektimit të rregullave të qarkullimit rrugor.
Policia iu bën thirrje qytetarëve të respektojnë ligjin dhe të shmangin incidente të tilla.
/abcnews.al
