Cikloni Sally ka shkaktuar probleme serioze në juglindjen e Shteteve të Bashkuara.
Me erërat që lëvizin me 170 kilometra në orë dhe reshje të mëdha shiu, Qendra Kombëtare e Cikloneve paralajmëron për “përmbytje të mëdha e të rrezikshme për jetën e qytetarëve”, ndërsa autoritetet e vendit informuan qytetarët se do të duhet të evakuohen.
Imazhet që vijnë nga Florida që “Sally” goditi sot janë tronditëse.
Hurricane Sally's strong winds forced a tractor-trailer to flip over on a highway in Mobile Bay, Alabama https://t.co/MAZLohTffI pic.twitter.com/wLYrJhTwKd
— CBS News (@CBSNews) September 16, 2020
Një pjesë e urës së re “Tre milje” në Pensacola, e cila ishte rindërtuar kohët e fundit, tashmë është shkatërruar pasi është dëmtuar nga uraganet e mëparshme, konfirmuan zyrtarët e shtetit.
Presidenti Donald Trump ka shpallur gjendje të jashtëzakonshme në shtetin e Floridas, ndërsa dëmi nga cikloni “Sally” pritet të arrijë në dy deri në tre miliardë dollarë, sipas kompanisë Enki Research, e cila monitoron ciklonet dhe vlerëson koston e katastrofave.
Sipas meteorologëve, stuhia pritet të dobësohet, ndërsa reshjet e mëdha të shiut pritet të vazhdojnë deri nesër.
N.D./abcnews.al
