Teuta në finalen e Kupës së Shqipërisë. Kukësi-Tirana nuk do të përsëritet, pasi durrsakët me përmbysje e mposhtën skuadrën verilindorë dhe do të kërkojnë trofeun në 100 vjetorin e krijimit të klubit. Djemtë e Detit, pas barazimit 0-0 në ndeshjen e parë, duhet të fitonin kundër Kukësit dhe dhe ia dolën, pasi takimi i sotëm u mbyll me rezultatin 2-1.
https://streamable.com/gt1mw6
Skuadra e Martinit ia doli madje me përmbysje, pasi Kukësi shënoi i pari me anë të mesfushorit Eduart Rroca. Pjesa e parë u mbyll në barazim pa gola dhe skuadra vendase iu fal shtyllës, në minutën e 17-të, kur Abazaj tentoi portën e Stivi Frashërit.
https://streamable.com/37a2k1
Kukësi e nisi mirë pjesën e dytë, pasi për katër minuta e zhbllokoi ndeshjen. Nga ana tjetër Teuta nuk kishte më se çfarë të humbiste, duke e hedhur e tëra në sulm. Martini e gjeti zgjidhjen nga stoli, duke aktivizuar sulmuesin Dejvid Kapllani. Kishte vetëm dy minuta lojë, por e befasoi portierin Dashamir Xhika, me një goditje nga jashtë zone.
Topi përfundoi në fundin e rrjetës dhe Kapllani qartazi thoshte “jam edhe unë këtu”. Teuta shfrytëzoi vrullin e golit dhe dhjetë minuta më pas, pas një goditje dënimi, krosimi i Kallakut u shfrytëzua nga Rustem Hoxha, i cili me kokë e dërgoi topin në rrjetë dhe i dha fitoren Teutës. Durrsakët shkojnë në finale dhe aty duhet të matin forcat me Tiranën, që eliminoi Bylisin. /abcnews.al
TEUTA: Frashëri, Todorovksi, Hoxha, Arapi, Beqja, Aleksi (Kapllani 71’), Avdyli (Çyrbja 61’), Kallaku (Hreljic 88’), E. Vila, L. Vila, Kallaku, Hebaj (Gruda 61’). Trajner: Edi Martini
KUKËSI: Xhika, Maliki, Lulaj, Krasniqi, Kotobelli (Musta 46’), Musolli, Limaj, Rroca (Teqja 78’), Ethemi, Abazaj, Cooper (Gavazaj 78’). Trajner: Orges Shehi
GJYTARË: Kreshnik Barjamaj, Dojando Myftari, Nertil Bregasi, Ardian Beqiri. KARTONË TË VERDHË: Hoxha 79’, Jazxhi (në stol) 84’, Martini 88’ / Cooper 62’, Ethemi 73’, Maliki 82’, Musolli 87’
