Christian Pulisic u bë një ndër lojtarët më të shtrenjtë në botë kur u transferua nga Borussia Dortmund te Chelsea, për plot 70 milion sterlina. Sulmuesi amerikan e nisi shumë keq aventurën e tij te Blutë e Londrës, por me kalimin e javëve, u ambientua dhe u shndërrua titullar në formacionin e Frank Lampard.
Megjithatë, një dëmtim rreth 2 muaj më parë i ndali hovin anësorit, i cili vazhdon të jetë në fazë rikuperimi në Amerikë. Pulisic ishte gati për të luajtur fundjavën e shkuar, por me shtyrjen e Premier League, është rikthyer sërish në Amerikë, aty ku ka gjetur një mënyrë për të kaluar ditët e izolimit.
Pulisic ka hapur një llogari në Tik Tok, aplikacioni i famshëm i videove të shkurtra. Futbollisti i Chelsea tentoi të bëjë disa stile me topin në këmbë, por në tentativë e sipër, shkel mbi sferë dhe rrëzohet në tokë, duke krijuar një episod shumë gazmor. Edhe pse nuk ia doli të jetë i suksesshëm me stilet e tij, Pulisic vendosi ta publikojë videon gazmore, e cila u bë menjëherë virale./abcnews.al
OUCH ??
Christian Pulisic’s first ever TikTok did NOT go to plan ?
? TikTok: christianmpulisic pic.twitter.com/5SaiheHRIs
— Goal (@goal) March 18, 2020
