PSG feston, Real Madrid zhgënjen. Ekipi i Zidane regjistron një hap fals që e lë në vend të dytë, pas Atletico Madrid që ka tre ndeshje më pak dhe me shumë gjasa në fund të sezonit do të fitojë titullin kampion në La Liga. Kundër Osasuna, Reali nuk shënoi dot.
Ndeshja u mbyll në barazim pa gola dhe mbajtja e topit nga kampionët në fuqi ishte e kotë, pasi gjuajtën në kuadrat vetëm një herë dhe treguan edhe njëherë që shumë gjëra në kampin madrilen nuk shkojnë.
PSG në Francë nuk fal, pasi mposhti Brest me rezultatin 3-0 dhe tani ndan vendin e dytë me Lille. Kampionët e Francës nga ngushtuar në një pikë diferencën me Lyon, që u ndal 2-2 në transfertë me Rennes. Kryesuesit madje po humbnin 2-0, por në fund e shmangën humbjen.
Për të mbetur te ndeshja, Moise Kean ishte ai që e zhbllokoi pas një goditjeje këndi. PSG u mundua ta mbyllte ndeshjen sa më shpejt, por u desh minuta e 80-të që të realizohej goli i qetësisë. Icardi, pas spektaklit të Mbappe, me një goditje brenda zone mposhti portierin e Brest. Në fund Sarabia realizoi edhe një perlë tjetër dhe i dha fund ndeshjes. /abcnews.al
